A moneda social vasca se meterá en circulación antis de cabo de mes

Os euskos, destinaus a promover "una economía mas verda y mas humana", vinclada a la luenga y a cultura vascas. Os promotors argumentan que as interpresas se'n beneficiarán

eusko-currencyA ciudadanalla d’o País Vasco norte (a o costau francés d’a muga) podrán aconseguir os suyos primers euskos iste sabado. L’Asociación t’a Creyación d’una Moneda Local, Vasca, Ecolochica y Solidaria tien previsto lanzar a nueva moneda social (una alternativa a l’euro) en tot Iparralde o 31 de chinero, pero i habrá una primera ocasión ta cambiar moneda iste mesmo sabado 19 en Ainhize-Monjolose.

O disenyo d’os billetz d’eusko (imachen cucha; cliclatz-ie ta ixamplar-la) se presentoron antes d’ahiere en Bayona. Con valors d’entre 1 y 20 euskos, os billetz amuestran scenas d’a vida vasca, y contienen dica cinco midas de seguridat diferents: filigrana, estampación en calient, contraste, tinta fluorescent antifotocopia y una cinquena que no ha estau revelada.

S’acaza “una economía vasca, verda y mas humana”.

O prochecto de l’eusko se presentó a primers de 2012. Os promotors explicoron alavez que l’obchectivo yera aduyar en a emerchencia d’una economía mas verda y mas humana“. Unatro obchectivo yera “reforzar l’emplego d’o vasco en a vida publica“, vinclando a nueva moneda a o compromís de botigas y interpresas a l’emplego d’a luenga.

Os euskos, de dentrada, nomás serán en circulación en Iparralde, pero os promotors quieren que a ideya s’esparda en toda Euskal Herria, bi incluyius por tanto Euskadi y Nabarra.

Fuent: http://www.nationalia.cat/ca/noticies/1316

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.