A mosica de Amparo Sánchez, China chana y DJ Valle-nato sonará por Chiapas en Zaragoza

Caracol Zaragoza organiza un festival de denuncia d'as zaguers agresions en territorio zapatista

Amparo Sánchez en una d'as zaguers actuacions en Zaragoza

Amparo Sánchez en una d’as zaguers actuacions en Zaragoza

Iste viernes 19, o Centro Civico de l’Almozara acullirá o festival “Mosicas por a Rebeldía Zapatista”, una fiesta de mosica y reivindicación que preba de servir d’altavoz debant d’as furas enrestidas de man de collas paramilitars a las comunidatz de Chiapas (Mexico).

Caracol Zaragoza, Rete de personas por l’autonomía zapatista, son qui organiza iste festival, a on que se “denuncia iste terrorismo d’estau, que fa servir collas armadas con entrenamiento militar como parte d’a guerra acolotadera que se ye fendo cuentra lo territorio zapatista”

Como informa iste colectivo, “una d’as accions más grieus que i ha pasau estió l’asesinato de Jose Luis Solís López “Galeano”, mayestro de zona d’a Escuelita por la Libertad, en o Caracol de La Realidad, que ocurrió lo pasau 2 de mayo. Antimás d’a muerte suya, estioron feridas atras 15 personas más, y a escuela, la clinica y bells vehiculos estioron estricallaus de tot”.

“Debant d’ista politica asesina d’o gubierno mexicano, nusatras respondemos con mosica“, dicen dende Caracol Zaragoza. A fiesta contará, dende as 21:30, con a colla zaragozana China Chana, la excantaire de Amparanoia, Amparo Sánchez y rematará con a mosica d’o punchadiscos DJ Valle-nato.

Amparo Sánchez, antimás, presentará o suyo documental: “Somos viento. Camino a la Realidad” a las 20:00 antes d’o concierto y tamién o suyo primer libro “La niña y el lobo. Vivir para contarlo. Una historia de violencia machista y superación“. Se’n ferá presentación o chueves 18 a las 19:00 en a Casa d’a Muller (C / D. Chuan d’Aragón) y o viernes a las 12:00 en a librería La Pantera Rossa (C / Sant Vicent de Paul).

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.