A NASA consigue imachens d’un forau negro minchando-se una estrela

Ye un fenomeno que nomas pasa una vegada cada 100.000 anyadas

O forau negro trusquindo-se a estrela (Imachen: NASA)

O forau negro trusquindo-se a estrela (Imachen: NASA)

O telescopio Telescopio Pan-Starrs1 d’a NASA ha conseguiu imachens d’un forau negro supermasivo trusquindo-se a una estrela que dondiaba masiau amanada.

Encara que iste fenomeno ya yera conoixiu por a comunidat scientifica, ye a primer vegada que se conoix a victima d’o forau que yera una estrela rica en helio en una galaxia a 2,7 millons d’anyadas luz d’o nuestro Sistema Solar.

Suvi Gezari, principal autor d’iste treballo publicau por a revista ‘Nature’, explica que quan a estrela ye estricallada por as fuerzas gravitacionals d’o forau negro, parti d’os repuis suyos cayen ent’o forau, entre que a resta s’avienta a grans velocidatz’. En a imachen se i puet viyer ‘o gas d’a estrela cayendo en o forau negro y a firma espectral d’os gas aventau, más que más helio’

Iste fenomeno ye bien raro. De feito nomás pasa cada 100.000 anyadas. L’equipo d’investigación ha habiu de cusirar cientos de mils de galaxias ta trobar-lo. A la fin, en chunio de 2010, o Pan-STARRS, acronimo de Telescopio d’Investigación Panoramica y Sistema de Rispuesta Rapeda en anglés, trobó lo forau negro y en chuilio o maximo brilo que duró 12 meses. Encara que en un primer inte pensoron que yera una supernova, a duración de l’evento, o feito de que bi hese tanto helio tan amán d’o centro d’a galaxia u a velocidat d’o mesmo estioron pistas ta parar cuenta de lo que yeran detectando.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.