A NASA precipita un satelite fuera de servicio contra la Tierra

O satelite habria cayiu en o sud de Calgary, en Canadá, encara que a NASA no ha puesto precisar o punto exacto.

O satelite cayiu (Imachen: NASA)

O satelite cayiu (Imachen: NASA)

A carrera espacial mientres a Guerra Freda fació que o vacío que ye chunto a o nuestro planeta siga pleno de multitutz de chiquetz fragmentos de basuera espacial en orbita cutiana arredol d’a Tierra. Y ixo que fa ya muitos anyos, yeran os irreductibles galos, comandaus per Astérix y Obélix qui nomás temiban que o ciel cayese sobre as suyas cabezas.

No ye ta menos, o tema ye estau mientres siegos en a imachinería popular: en agosto de l’anyo 1999 o afamau modisto Paco Rabanne se chugó lo suyo prestichio pronosticando que a estación espacial sovietica MIR cayería sobre París coincidindo con l’eclipse total de sol de l’once d’agosto. Ya fa diyas que l’achencia espacial estaunitense, a NASA, informó de que o suyo satelite de vichilancia atmosferica, UARS, ya difuera de servicio, se precipitaría de forma controlada ta la Tierra precisament ta que no bi hese tanta basuera espacial orbitando arredol d’o planeta.

Manimenos, no estió posible especificar o puesto concreto an que l’UARS chocaría contra la Tierra. En pocas horas, o rete social Twitter se plenó de chanzas d’os tuiteros, fendo comprobable a gran popularidat que tienen as custions relacionadas con l’espacio. A cayida finitiva d’o satelite a la Tierra estió prevista per a NASA entre as 3.35 y as 4.45 GMT (4.35 y 5.45 en Aragón) d’a maitinada entre o viernes y o sabado, pero los scientificos de l’achencia espacial estaunitense estión en condicions de confimar con exactitut o punto y a hora d’a cayida. Tan imprevisible resultó que a meya tardi d’o sabado encara nomás se sabeba dende l’achencia espacial estaunitense que o satelite UARS se precipitó a la tierra, cremando-se dentrando en l’atmosfera, probablement sobre a ciudat d’Okotoks, en o sud de Calgary, en l’aria oeste de Canadá. Mientres a nueit d’o viernes, o satelite cambeó a ruta y evitó lo riesgo de precipitar-se sobre Europa, y en as zaguers horas yera previsto lo transito sobre Africa, Canadá y os oceanos Pacifico, Atlantico y Indico.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.