A nau Rosetta ya orbita o cometa

Ha alcanzau l'obchectivo hue, a 400 millons de kilometros d'a Tierra y dimpués de diez anyos de viache

Foto: ESA

Foto: ESA

Dimpués de diez anyos de viache a nau Rosetta ya ha plegau en o suyo obchectivo, seguntes ha informau l’Achencia Espacial Europea: hue de maitins, hora nuestra, ha entrau en a orbita d’o cometa 67P/Chuyrumov-Gerasimenk, situau a 405 millons de kilometros d’a Tierra, a medio camín d’as orbitas de Marte y Chupiter. O cometa viacha a una velocidat de 55.000 kilometros por hora ent’o sistema solar interno. Hue, a Rosetta ye a solament 100 kilometros d’a superficie d’o cometa, que tien un diametro aproximau de tres kilometros y medio, pareixendo-se a la grandaria d’a ciudat de Barcelona.

Este ye o vídeo que ferá a Rosetta dende agora que ya orbita o cometa:

En o mes de noviembre i habrá una fase d’aproximación mas espectacular, quan a Rosetta soltará una sonda que aterrizará en a superficie de roca y chelo d’o cometa. Será a primer vez en a historia que un artefacto construiu por o ser humano surcará a superficie d’un cometa.

En o suyo blog de +Vilaweb Polvo d’estrelas, l’astronomo Enric Marco explica: ‘O viache ha estau largo. Han pasau 10 anyos, dende que o 2 de marzo de 2004 a Rosetta estió lanzada dende a base europea de Kourou, en a Guayana francesa. Recordo como, uns anyos antes, m’amostroron a electronica d’a camara Osiris en os laboratorios de l’Instituto d’Astrofisica d’Andalucia. En aquell momento o destín d’a nau yera o cometa 46P/Wirtanen, muito mas activo, pero quantos retrasos obligoron a cambiar l’obchectivo, ent’o mas tranquilo cometa 67P/Chuyrumov-Gerasimenko.’

Contina asinas: ‘Pa un viache tant largo, Rosetta ha amenistau quatro impulsos gravitatorios, un de Marte y tres d’a Tierra, pa aconseguir a velocidat suficient pa plegar do se troba o cometa.
Sobre o treballo que ferá dende agora a Rosetta, Marco explica que ‘mediant quantos sensors determinará a composición d’a superficie, a suya dinamica, o desenrollamiento d’os chorros d’emisión de gas a mida que o cometa s’aproxime mas t’o Sol, a formación d’a cabeza y d’a coda. Y lo irá tirando mientres acompanya a o cometa en a suya orbita arredol d’o Sol. Isto incluirá momentos apasionants quan s’aproxime t’o perihelio, o punto mas proximo t’o Sol, os chorros de gas empecipian a salir pa formar l cabeza y a coda.  Y lo ferán trencando a fosca napa de polvo que as primeras midas de temperatura a distancia pareixen amostrar’.

Philae, a l’aspera d’aterrizar en a superficie d’o cometa

Recuerda Marco que ‘en noviembre d’estianyo, Rosetta soltará Philae, una nave que se meterá suaument sobre o cometa, s’anclará fuertement a ell, y ferá analís in situ, como por eixemplo sondaches acusticos, estudios magneticos, d’os gases, d’a superficie y interiors, etc. Será allora que podremos “tocar” realment o cometa, y, por tanto, os nuestros orichens.’

Y adhibe: ‘l’arribada de Rosetta ta 67P/Chuyrumov-Gerasimenko ya nos ha reportau bella sorpresa como por eixemplo a extranya traza d’o cometa, formada por dos lobulos, no nunca observada antes en un obchecto d’ista mena. Tot fa pensar que 67P/C-G s’ha formau por agregación a baixa velocidat de dos cometas menors.’

Fuent: http://www.vilaweb.cat/noticia/4206635/20140806/nau-rosetta-orbita-cometa.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.