A NSA espió muitos mas internautas normals que no personas baixo vichilancia especial

Un analís d'o Washington Post revela que nueu de cada diez comunicacions interceptadas por l’achencia yeran d’usuarios comuns

640px-National_Security_Agency.svgDe 2009 a o 2012, quan l’Achencia de Seguranza d’os EE.UU. (NSA) interceptó cuentas d’internet d’extranchers a qui podeba cosirar legalment, tamién replegó as conversacions de mils y mils d’usuarios normals d’internet, tanto d’os EE.UU. como de difuera. Lo revela un analís d’o Washington Post. De feito, o diario calcula que de cada diez comunicacions interceptadas nueu yeran d’internautas comuns, y no pas de personas baixo o foco d’os servicios d’intelichencia.

Tot y que istas comunicacions conteneban información personal y sin utilidat t’os analistas d’o NSA, l’achencia retenió a mayoría. Entre os 160.000 mensaches y quasi 8.000 documentos d’11.000 cuentas d’internet filtradas fa un anyo por Edward Snowden y analisadas por o diario, i hai muitas ‘historias d’amor y desamor, costumbres sexuals ilegals, crisis mentals, conversas politicas y relichiosas, angunias economicas y asperanzas trencadas. A vida cutiana de mas de diez mil usuarios que no yeran en a lista d’obchectivos de vichilancia d’os EE.UU.’. Tamién i hai mas de 5.000 fotografías privadas.

O diario adhibe que iste espionache en masa, en bell caso, dio pistas de valor t’a intelichencia, como por eixemplo a revelación d’un posible programa nucleyar secreto en o extranchero.

Seguntes a lei, a vichilancia d’a NSA solament ha de tener por obchectivo ciudadanos extranchers que se troben difuera d’os EE.UU., de no estar que i haiga una orden chudicial especial.

Fuent: http://www.vilaweb.cat/noticia/4202104/20140706/lnsa-espiar-molts-internautes-corrents-pas-persones-sota-vigilancia-especial.html

Una rispuesta a A NSA espió muitos mas internautas normals que no personas baixo vichilancia especial

  1. Pingback: A NSA espió muitos mas internautas normals que no personas baixo vichilancia especial » AraInfo

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.