A nueva biblioteca de Tarazona s’ubrirá tamién os sabados

Dende a suya obridura, o pasau 10 d'aviento, mas de 7.000 personas han feito servir iste nuevo servicio

biblioteca tarazona

Foto: Concello de Tarazona

A nueva biblioteca de Tarazona va a ubrir tamién os sabados. Asinas lo daba a conoixer l’alcalde en funcions, Luis José Arrechea, en o Pleno realizau ahiere en o Concello de Tarazona. Seguntes Arrechea, “debant d’a demanda d’os usuarios a os tecnicos d’iste servicio municipal, l’equipo de gubierno ha decidiu de reprogramar os horarios d’a biblioteca y ubrir os sabados tamién de 10 a 13 horas, en prencipio entre o periodo que dure o curso escolar”. Actualment, l’horario ye de lunes a viernes, de maitins, de 10 a 13 horas, y de tardes, de 16:30 a 21 horas.

Ya han transcurriu quasi tres meses dende que a nueva biblioteca municipal de Tarazona ubrió as suyas puertas y o balanz “no puede estar mas optimista”, aseguró a concellera de Cultura, Ana Gavara, ya que “o numero d’usuarios ha experimentau un fuerte incremento, con edatz muit diversas, dende escolars que van a fer os suyos quefers dica estudiants universitarios, pasando por personas mas maduras que vienen a realizar consultas u leyer qualsiquier libro”.

Seguntes datos aportaus por tecnicos d’o servicio municipal, por agora, o numero de personas que han feito servir as instalacions d’a biblioteca ha estau de mas de 7.000. Asinas mesmo, o numero de socios ha aumentau, estando o total de 3.293. Seguntes Gavara, as nuevas instalacions han feito muito goyo a todas as personas que i vienen, estando a zona d’ordinadors una d’as mas freqüentada de conchunta con o servicio wifi, que ha teniu una gran acceptación.

Os datos avalan a inversión

T’a concellera, “os datos avalan a inversión que s’ha feito en a nueva biblioteca, tanto por a calidat d’o servicio como por o cada vegada mayor numero d’usuarios, estando un referent cultural d’a ciudat. Agora cal continar apostando por ella, dotando-la cada anyo de millors fondos y mantenendo as actividatz y tallers que se fan ta amanar a la biblioteca a os mas chicotz”.

A nueva biblioteca municipal ubrió as suyas puertas o pasau 10 d’aviento, dimpués de quasi un anyo d’obras y una inversión d’1,2 millons d’euros. Iste nuevo servicio municipal ocupa a segunda planta d’un edificio, ubicau en pleno centro d’a ciudat, en o que tamién s’ha reubicau o nuevo centro de mayors, que ye previsto que se’n faiga a devantadera con a mayor brevedat posible.

A nueva biblioteca tien una superficie de 550 metros quadraus, amás d’os 25  ta escusaus, os 30 d’o vestibulo y accesos, y os 35 metros quadraus que s’ocuparán d’a primera planta ta deposito de libros.

Con a nueva instalación, a biblioteca ha pasau de 12.000 libros a 35.000 volumens exposaus y en o suyo disenyo s’ha presto muita cuenta de l’aprofitamiento d’a luz natural, ta ixo s’han ubierto quatro lucanas, y tamién os espacios, creyando zonas ta diferents finalidatz: de lectura comoda en butacas, ta prensa, de consulta, ta usuarios d’edatz infantils y una sala multimedia. Amás, o concepto d’edificio sostenible s’ha presto muita cuenta tanto en os materials como en os sistemas de calefacción y de climatización, siempre considerando a calidat d’estalbio enerchetico.

En chinero de 2011 prencipioron istas obras, adchudicadas a la UTE Elecnor S.A. y EHISA Construcciones y Obras SA, y que han estau pagadas, en a suya mayor parte, por o Gubierno d’Aragón, DPZ y IberCaja.

Fuent: http://www.cronicadearagon.es/wordpress/?p=38805

Una rispuesta a A nueva biblioteca de Tarazona s’ubrirá tamién os sabados

  1. Gracias

    Perdón, pero no hablo aragonés. Si se permite, me gustaría comentar lo que sigue.

    La nueva biblioteca está bien y se agradece. Estaría bien que sus usuarios guardaran silencio y que se educara a los niños en este sentido desde chiquitines.

    ===================

    El Hotel Ituri-Asso de Tarazona ya no existe. En su lugar ahora hay una biblioteca, inaugurada en diciembre de 2012.

    Creo esta nota ya que todavía hay varias páginas web de hostelería que hablan sobre él, incluso ofreciendo alojarse allá, pese a que se les ha comunicado que el hotel dejó de funcionar hace años. Increíble, pero cierto.

    Fuente: http://boards5.melodysoft.com/ERRORADIO/el-hotel-ituriasso-de-tarazona-ya-19.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.