A nueva pasarela d’o Mont-rebei conectará Uesca y Leida 60 anyadas dimpués

Con 36 metros de largaria, unirá dos puntos historicament chirmanaus dica que a construcción de un entibo los separó.

A subdelegada d'o gubierno espanyol en Uesca visita a pasarela (Foto: Aragon2.com)

A subdelegada d’o gubierno espanyol en Uesca visita a pasarela (Foto: Aragon2.com)

Viacamp, un chiquet lugar d’a provincia de Uesca, y Àger (Leida) viyerán en bellas semanas como una d’as suya más grans reivindicacions d’as zaguers 60 anyadas se cumplirá ta goi de totz os vecins. Y ye que gracias a l’alportación de 773.052 euros feita por o Ministerio de Agricultura, Alimentación y Meyo Ambient, se son prencipiando os treballos que calen ta rematar a construcción d’una pasarela metalica que una de nuevas totz dos territorios.

A debandita construcción ye aintro d’o prochecto “Camín Natural de Montfalcó t’o Congost de Mont-Rebei”, que naixió con l’obchetivo de comunicar as marguins catalana y aragonesa d’o Río Noguera Ribagorzana, incomunicadas dende fa 60 anyadas por culpa d’a constriucción de l’entibo de Canelles.

O Camín Natural que agora se ye fendo tien una largaria total de 4.036 metros y preba de contribuyir a la diversificación economica d’a redolada potenciando o senderismo, a ufierta turistica y d’esportes, asinas como a conservación d’os espacios naturals a traviés d’a educación meyoambiental. Tal y como ha informau a Subdelegación d’o gubierno espanyol en Uesca, o debandito camín s’enceta en Montfalcó y remata en o Congost de Siegé. D’atra man, en a parti catalana se ferá servir o ya construyiu camón d’o Congost de Mont-Rebei ta rematar o prochecto.

A tamás d’estar un Camín Natural de chicot recorriu tien un especial significau dende l’anvista social y cultural, en recuperar a unión d’as poblacions d’as dos orillas que siempre estioron vecinas. Os treballos suposarán esbrozar a traza existent mientres 3.000 metros y a reubridura de 2.223 metros de nuevo camín y a suya consolidación .


Fuent: http://www.aragon2.com/n-20334-4-La_nueva_pasarela_del_Montrebei_conectara_Huesca_y_Lerida_60_anos_despues

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.