A obra de Joan Miró, Natalio Bayo y Pablo Serrano visitará 12 lugars

A DPZ ofreixe os ciclos "A provincia en clau d'arte", con quatre exposicion, y “Itinerancias”, con siet

Presentación d'os ciclos

Presentación d’os ciclos

A Diputación Provincial de Zaragoza amanará la obra de Joan Miró, Natalio Bayo y Pablo Serrano ta dotze lugars d’a provincia. Istas tres muestras, chunto con a titulada “Naturaleza y arquitecturas”, fan parte d’o ciclo “A provincia en clau d’arte”.

Istas quatre muestras, que amostrarán obras orichinals, viacharán por os lugars de Illueca, Caspe, Zuera, Calatayú, Tarazona, Utevo, Borcha, Carinyena, Daroca, Gallur, Taust y L’Almunia de Donya Godina. O venient 16 d’abril se ferán as devantaderas en Illueca y en Tarazona d’as muestras “Joan Miró” y “Pablo Serrano”, respectivament.

Antimás, con a enchaquia de fomentar l’arte, a DPZ leva qualques anyadas organizando “Itinerancias”, una serie d’exposicions que viachan por as poblacions d’a provincia y que preba de cubrir y ixamplar as programacions culturals d’istos lugars.

En ista edición, o ciclo levará siet exposicions por a provincia: t’o circuito clamau Tipo 1, “Goya y la muller”, “Aragón y la mar. Un homenache a Odón de Buen” y “Coopera DPZ”; entre que t’o tipo 2 as muestras son “Una corona reyal: Aragón”, “Cipotegato, mascarotas y personaches carnavalers” y “Patrimonio esconoixiu d’a provincia de Zaragoza”.

“Itinerancias” se trestalla en dos circuitos expositivos pendendo d’o municipio. Asinas, o clamau Tipo 1 ye presto ta ixas localidatz que tienen sala d’exposicions y que achunta una serie de requisitos de seguridat y espacio. L”atro circuito, o Tipo 2, ye disenyau t’a resta de poblacions, incluyidas las que son en a colla anterior, y bi integra muestras de buen carriar, compuestas por panels autoportants de grandarias  que pueden meter-se en qualsiquier puesto que tienga una superficie vueda de más de 20 metros quadraus.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.