A obra de teatro en aragonés “Mullers” se representará en Zaragoza iste sabado
Dentro d'o ciclo "Teatro en lenguas minoritarias de Aragón" organizau por o Rolde de Estudios Aragoneses
A companyía teatral de Samianigo “De que coda teyatro” estrenará a suya obra “Mullers” en Zaragoza, iste sabado 15 a las 19:30 h. en o Centro Civico Río Ebro, dentro d’o programa d’a segunda edición d’o ciclo “Teatro en lenguas minoritarias de Aragón” que organiza o Rolde de Estudios Aragoneses (REA) con a colaboración d’o concello de Zaragoza.
En a obra se representará una selección de textos de siet autoras literarias en luenga aragonesa, Ana Abarca de Bolea, Ana Giménez Betrán, Nieus Luzía Dueso, Chuana Coscujuela, Ana Tena, Pilar Benítez y Carmina Paraíso, acompanyaus de mosica y imachens, fendo un recorriu por a literatura en aragonés feita por mullers.
Iste ciclo de teatro tendrá a presencia d’o grupo teatral de Graus “Poetián” o sabado 22 de noviembre, tamién en o mesmo puesto.
Pingback: A obra de teatro en aragonés “Mullers” se representará en Zaragoza iste sabado | AraInfo | Achencia de Noticias d'Aragón