A ofierta turistica de l’Alto Aragón s’amostra ista semana en os Paises Baixos

Quatro interpresas d'o sector turismo-hostelería y l'Asociación de Campings ocupan o stand coordinau por a Camera en a feria Vakantiebeurs d'Utrecht

Imachen d'o stand emplegau por a Camera en una edición anterior d'o  Vakantiebeurs

Imachen d’o stand emplegau por a Camera en una edición anterior d’o Vakantiebeurs. (Foto: Camera de Uesca)

A Camera de Comercio y Industria de Uesca encetó ahiere as suyas accions de promoción d’o turismo altoaragonés ta l’anyo 2014 con a suya presencia en a feria Vakantiebeurs, que se celebra entre o 14 y o 19 de chinero en a ciudat holandesa d’Utrecht. Quatro interpresas a titol individual, amás de l’Asociación d’Interpresarios de Campings d’Aragón, ocupan o estand modular de 18 metros quadraus que ha contractau a Camera ta poder exposar a ofierta turistica de Uesca en un mercau, o d’os Países Baixos, de creixent importancia ta l’Alto Aragón.

Amás, a Camera de Uesca ye pendient de confirmar a proxima participación d’interpresas turisticas y d’hostelería en o Salon des Vacances, que tendrá puesto en Bruselas (Belchica), entre o 6 y o 10 de febrero proximos, y en uns días ubrirá a convocatoria ta que as interpresas intresadas puedan asistir a la feria Fiets en Wandelbeurs, que ubrirá a o publico os días 1 y 2 de marzo en Amsterdam.

Istas actividatz suposan l’encieto d’o Plan d’Internacionalización d’as Cameras d’Aragón ta 2014, que conta con l’emparo d’o Departamento d’Industria y Innovación d’o Gubierno d’Aragón, y que tiene como obchectivo incrementar o numero de pymes exportadoras en o país.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.