A ONU, a l’inte d’entrar en guerra en o Congo?

The Economist asegura que o consello de seguridat d'as Nacions Unidas se planteya comandar por primer vegada una intervención militar

cascos azulsFa anyos que a violencia s’ha enquistau en a Republica Democratica d’o Congo. Toda mena de conflictos y violacions d’os dreitos humanos afectan amplas zonas d’iste immenso país d’Africa central, con millons de muertos y desplazaus. A incapacidat de l’estau, a inoperancia d’os países vecins y a impasibilidat d’a comunidat internacional han aduyau a prolargar a guerra. Por ixo, seguntes The Economist, o consello de seguridat d’a ONU sopesa de cruzar una linia roya y embrecar-se-ie dreitament.

Dimpués de catorce anyos con una misión de paz sobre o terreno, por primer vegada en a historia as Nacions Unidas serían disposadas a comandar una operación militar. The Economist revela que tres mil soldaus de Malawi, Sudafrica y Tanzania con l’emblema de l’organismo internacional se desplegarían en o Congo con l’obchectivo de luitar contra as faccions rebeldes activas a l’este d’o país. Sería a ONU, y no a OTAN u os EE.UU., qui s’encargaría dreitament de todas as operacions armadas: disparos d’artillería, raids d’helicopters, ofensivas terrestres…

T’a publicación norteamericana, o feito de que as Nacions Unidas se proposen de crebar a suya historica neutralidat implica risques porque, caso que a operación fracasase, podría quedar malograda a imachen a largo plazo.

Fuent: http://www.vilaweb.cat/noticia/4125326/20130617/lonu-punt-dentrar-guerra-congo.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.