A ONU demanda un acceso humanitario ta Kordofán-Sur y t’o Nilo Azul

Kordofán sur ye o zaguer estau petroler de Sudán

Pancarta en Sudán (Foto: Al Jazeera English)
Pancarta en Sudán (Foto: Al Jazeera English)

O Consello de Seguridat d’a ONU se declaró o martes ‘cada vegada más preocupau’ por a situación alimentaria en o Kordofán – Sur y o Nilo Azul (sur de Sudán) y demandó que Jartum y os rebeldes deixasen ingresar l’aduya humanitaria en ixas dos rechions.

‘O ran de malnutrición y inseguridat alimentaria en bellas redoladas d’o Kordofán sur y d’o Nilo Azul podría plegar ta rans d’emerchencia sin ´no se fa bella acción de camín’, creyen os quince miembros d’o Consello en un comunicau.

Piden a Jartum que deixe dentraríe de camín una misión d’a ONU ta evaluar a situación ya las dos partis – gubierno de Sudán y rebeldes – que guarancien un acceso inmediato, seguro y sin mugas’ a los treballadors humanitarios y a la aduya humanitaria.

O Consello clama a o gubierno sudanés y a los rebeldes d’a branca Norte d’o Movimiento Popular de Liberación de Sudán (SPLM-N) a tornar t’a mesa de negociacions t’apanyar o conflicto que los concara.

Kordofán Sur, o zaguer estau petroler de Sudán dende a independencia de Sudán d’o Sur, ye scenario dende chunio de 2011 de barallas que habrían provocau cientos de muertos entre o Exercito sudánés y os rebeldes de SPLM-N.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.