A ONU prencipia a fer o primer Tractau Internacional d’o Comercio d’armas

Prencipian ista semana en Nueva York as negociacions ta fer un tractau que regule o comercio d'armas.

Manifestants por o Control d'armas (Foto: Controlarms)

Manifestants por o Control d’armas (Foto: Controlarms)

Ha prencipiau ista semana en Nueva York a conferencia diplomatica por o primer Tractau Internacional de Comercio d’Armas. En as negociacion i son presents os 193 miembros d’a ONU, de cualques organizacions d’a sociedat civil, reunidas aintro d’a campanya “Controlar as Armas” y tamién de centros d’investigación y acción por a paz.A iniciativa de fer un tractau por a regulación d’as importacions, exportacions y atras intercambios d’armas surtió d’una colla de premiaus con o premio Nobel d’a Paz mientres as anyadas 90 d’o sieglo pasau. En 2009, l’Asambleya Cheneral d’a ONU establió un calendario de negociacions y fixó una conferencia internacional ta sinyar-la, que se celebra iste mes de chulio.

L’obchetivo ye establir normas mundials ta un comercio responsable d’as armas. O tractau no viedará garra mana de armas, pero regulará os suyos movimientos ta mirar de escusar que os países que las puedan fer servir las empleguen t0a represión interna u t’agredir contra atros estaus. Asinas, se quier contribuyir a proomover a paz y a seguridat internacional, o desembolique socioeconomico y o rispeto a los dreitos humans.

Será un tractau que englobará todas as armas convencionals: as chicotas y licheras, responsables d’a mas gran parti d’a violencia armada que se produz cada diya en o mundo; y as pesadas, como os avions u os tanques, que mueven bien de diners y que son as que cusira l’anuario de l’Instituto Internacional t’a busqueda d’a Paz d’Estocolmo (SIPRI), que fa as listas de principals productors, exportadors y importadors d’armas.

Se prevei que as negociacions serán embolicadas porque o sistema d’as Nacions Unidas permite a los estaus más escepticos de fer servir recursos burocraticos ta fer más lento o proceso. Asinas, a delegación d’Echipto demandó en a primer sesión o estatuto d’estau ta Palestina lo que fació que lo refusasen Israel, Estaus Unius y Canada, rezagando asinas o prencipio d’os debatz ta trobar bella solución de consenso sobre ixe punto.

 

Fuent: http://www.jornalet.com/noticia/473/lonu-es-a-bastir-lo-primier-tractat-internacional-del-comerci-darmas

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.