A ONU se para t’as tempestatz espacials

En a ONU aumenta a preocupación por os efectos de l'actividat solar en a nuestra planeta

ciclo solar

L’actual ciclo solar ye por agora d’os mas febles dende que se’n tienen datos.

“A ONU ye reconoixendo l‘actividat solar como una preocupación equivalent a la vinculada con os repuis en orbita y con os asteroides que pasan amán d’a nuestra planeta“. O clima espacial ye l’equivalent en o espacio exterior a o clima d’a Tierra. En cuenta de tener aire, plevia y nieu, l’espacio tien tronadas de radiación, aire solar, flamaradas y eyeccions de masa coronal. L’orichen d’istas condicions de l’orache en l’espacio ye o Sol y, tot y que as tronadas solars se producen a quasi 150 millons de kilometros (93 millons de millas) de distancia d’a Tierra, se pueden fer sentir en a nuestra planeta.

As fuertes tronadas solars pueden fer que nos quedemos sin enerchía y tamién pueden desactivar satelites y fer trafucar-se a os GPS, afirma Guhathakurta. “Se tracta d’un problema global que empiora por o feito que cada vegada mas, en tot o mundo, pendemos de tecnolochías electronicas sensibles“.

Ista semana, os miembros d’o Subcomité de Sciencia y Tecnica recibioron información sobre bells d’os posibles problemas economicos vinclaus con as condicions de l’orache en l’espacio. Por eixemplo, a extracción moderna de petrolio y de gas con freqüencia implica fer una perforación direccional destinada a aprofitar reservas de petróleo y de gas a las profundidatz d’a Tierra. Ista tecnica de perforación pende d’a colocación precisa fendo servir sistemas de navegación global. Con tot y con ixo, os cabezals d’os foraus podrían perforar os puestos incorrectos si o Sol interfiere en a recepción d’o GPS.

As particlas enercheticas solars, en os polos magneticos, pueden forzar o proceso de reenrutamiento d’os vuelos internacionals, producindo como conseqüencia atrasos y aumento en o consumo de combustible. As corrients inducidas en o Sol, cheneradas por tronadas magneticas, pueden fer mal a transformadors y incrementar a corrosión en canyerías vitals d’enerchía.

As condicions de l’orache en l’espacio constituyen un significativo periglo natural que requiere que sigamos prestos globalment“, sinyala o profesor Hans Haubold, d’a Oficina d’a ONU ta Afers de l’Espacio Exterior. “Iste nuevo tema en l’achenda vincula a la sciencia espacial con a tecnolochía espacial ta l’esquimen de toda a humanidat”.

L’ascenso d’a posición d’o clima espacial en l’achenda d’o COPUOS coincide con o 10º cabo d’anyo d’o Programa Internacional “Vivindo con una Estrela”, o 14 de febrero. Iste programa ye formau por un grupo de nacions que se reunioron en 2003 con l’obchectivo d’establir os alazetz t’a cooperación mundial en l’estudeo d’as condicions de l’orache en l’espacio. A ONU aduyará a levar os suyos esfuerzos un trango mas entabant.

Un problema clau que a ONU puede aduyar a resolver ye a breca (as muitas brecas, en realidat) en a cobertura de tronadas en a nuestra planeta. Quan una tronada solar pasa por a Tierra, as olas d’ionización se propagan a traviés d’a parte superior de l’atmosfera d’a Tierra, as corrients electricas fluyen a traviés d’a napa d’a superficie d’o Sol y o campo magnetico de toda a planeta empecipia a quitar-lo: “Istos son fenomenos globals”, sinyala Guhathakurta, “de traza que hemos de poder monitoritzar a totz arredol d’o mundo”.

Un estudeo financiau por a NASA y feito por l’Academia Nacional de Sciencias exposa as conseqüencias economicas d’as severas condicions de l’orache en l’espacio. Con l’asistencia d’a ONU, os investigadors probablement puedan espardir os retz de sensors dica as rechions a on bella vegada isto estió politicament inviable.

As condicions de l’orache en l’espacio podrían tener un papel important en o clima d’a Tierra tamién. Por eixemplo, o minimo de Maunder, o qual ye un periodo de 70 anyos practicament desprovisto de tacas solars, que ocurrió enta finals d’o sieglo XVII y prencipios d’o sieglo XVIII, coincidió con hibiernos prolargaus, y muit fredos, en l’hemisferio norte.

Os investigadors son cada vegada mas convencius de que as variacions en l’actividat solar tienen efectos rechionals sobre o clima y as condicions de l’orache, que no se relacionan con as mugas nacionals y, en conseqüencia, nomás pueden estar estudiadas en minucioso detall por grupos internacionals .

“O nuevo tema de caracter permanent en l’achenda d’o Subcomité de Sciencia y Tecnica constituye una important oportunidat ta aprofitar l’esfuerzo de totz os miembros con a finalidat d’asegurar accions globals coordinadas”, comenta Terry Onsager, d’a NOAA, d’os Estaus Unius.

Agora que o clima espacial ha escalau a suya posición en l’achenda d’o COPUOS y ha aconseguiu ocupar un puesto permanent en ella, tot penderá d’as conversacions periodicas que se produzcan entre os diplomaticos d’a ONU, os scientificos y os planificadors d’emerchencias. Isto ye important porque, mientres que l’espacio ya no ye tant disponible, tamién ye verdat que en o reino d’o clima espacial practicament qualsiquier cosa puede pasar.

Fuent: http://noticies.sirius.cat/2013/03/lonu-es-prepara-per-les-tempestes.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.