A organización chovenil vasca Segi anuncia a disolución

Dimpués d'un debat interno 'profundo y autocritico'

Txomin Catalogne y Amaia Elixiri

O movimiento chovenil Segi, una d’as organizacions independentistas vascas ilegalizadas por a chusticia espanyola, ha anunciau a disolución porque considera que, en o nuevo tiempo politico, s’ha acotolau como ferramienta ta afrontar os problemas d’Euskal Herria y a choventut. ‘O recorriu s’ha rematau porque, con errors y aciertos, ya ha feito o que le tocaba de fer.’ Asinas l’han anunciau a os diarios Gara y Berria os suyos portavoces, Txomin Catalogne y Amaia Elixiri. A decisión s’ha adoptau a resultas d’un debat interno, ‘profundo y autocritico’, de mas d’un anyo.

O zaguer acto nacional de Segi será o 24 de chunio en Itxasu (Lapurdi), ta meter dencima d’a mesa o resultau d’o debat interno y ta despedir-se oficialment d’a vida politica dimpués d’once anyos. En efecto, Segi se fundó o 2001 como sucesora de Jarrai, Gazteriak y Haika, tamién ilegalizadas por a chusticia espanyola.  Con tot, os portavoces afirman que a choventut independentista continará la luita: ‘Siempre nos hemos sabiu adaptar, y agora tamién acertaremos. Segi s’ha rematau, pero no nos n’imos ta casa.’

L’anuncio d’a disolución de Segi s’une a la d’Ekin, o mes d’octubre de 2011. Y aquell mesmo mes, ETA anunció ‘o cese definitivo de l’actividat armada’.

Fuent: http://www.vilaweb.cat/noticia/4020418/20120615/lorganitzacio-juvenil-basca-segi-anuncia-dissolucio.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.