A os suyos 91 anyos, Expectación busca 6.900 euros pa exhumar a su mai asesinada de dos tiros o 20 de chuliol d’o 36

Expectación, de 91 anyos, preba mediant una campanya de crowdfunding replegar os diners pa enronar a su mai, asesinada en Sos mientres a Guerra Civil

expectacion sos catolico

Expectación Morchón, en casa suya en Sos d’o Rei Catolico

Dos disparos d’a Guardia Civil acaboron con a suya vida o 20 de chuliol de 1936 quan recorreba as carreras de Sos d’o Rei Catolico en busca d’a suya filla. Con 91 anyos, Expectación quiere exhumar os restos de su mai pa enronar-los dignament, y busca aduya economica con una campanya de crowdfunding en o ret.

O 19 de chuliol de 1936, una columna formada por militars y guardias d’asalto plegaba en a comarca zaragozana d’as Cinco Villas pa sozmeter a la población. Un diya dimpués entraban en Sos d’o Rei Catolico.

Un grupo de civils armaus s’enfrontinó a las fuerzas franquistas en os arredols d’o lugar. I habió dos muertos y qualques ferius. Horas mas tarde, quan rematoron os disparos y a localidat viviba una tensa calma, una muller vestida de negro salió de casa y recorrió anguniada as carreras en busca d’a suya filla menor, Expectación.

Minutos dimpués se sintió o soniu xuto d’un disparo. Dimpués, en sonó unatro. Totz dos alcanzoron a la muller d’espaldas y quedó tendida por tierra. Os dos disparos salioron d’o quartel d’a Guardia Civil.

Se deciba Saturnina Arbea Villacampa, y de nueitz estió enronada de forma anonima en o fosal municipal sin avisar a os suyos familiars. Expectación Morchón, de 91 anyos, preba de replegar os pocos mils d’euros que amenistan pa exhumar os restos de su mai y enronar-la dignament.

Entidatz por a Memoria Historica tienen localizaus os suyos restos, contan con totz os permisos necesarios y pretenden de prencipiar a exhumación de Saturnina iste verano, pa lo que han empecipiau una campanya de crowdfunding con a quala recautar os 6.900 euros necesarios, d’os quals ya han recautau mas d’o 60%.

Fuent: http://elventano.blogspot.com.es/2013/07/a-sus-91-anos-expectacion-busca-6900.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.