A PAH retira a ILP contra os desafucios “porque o PP la ha desvirtuada”

"A proposa d'o PP ye una mofla a os afectaus", se queixa a pataforma

18 abril, 2013 | Sociedat | Autor: Arredol | Tweet

A Plataforma d’Afectaus por a Hipoteca (PAH) y as entidatz promotoras d’a ILP por a dación en pago retroactiva, a paralización d’os desafucios y o loguer social denuncian que o texto no replega o conteniu que heba presentau a PAH y que o PP ha aprofitau a tramitación parlamentaria ta desvirtuarlizar-ne as proposas.

‘A proposa d’o PP ye una mofla a os intreses d’as personas afectadas por procesos d’execución hipotecaria y a la sociedat en tot o suyo conchunto. Un truco mas, a efectividad d’o dreito a una vivienda digna queda supeditau a os intreses d’as entidatz financieras‘, diz o comunicau d’a PAH, que alerta que o PP ha ‘eliminau qualsiquier traza d’a ILP por a dación en pago’.

‘Con o suyo prochecto de lei, o PP no resuelve o problema social d’a deuda hipotecaria (ni o d’os que ya han estau desafuciaus ni qui en serán en o futuro) – diz a PAH -. Mils de ciudadanos continarán perdendo a vivienda y continarán endeudaus con as entidatz financieras, perpetuando-se a inchusticia d’a lechislación hipotecaria espanyola.’

En cambeo, adhibe, a ILP ‘permitiba liberar a las familias d’a condena financiera y facilitaba l’acceso, en rechimen de loguer social, a viviendas vuedas propiedat d’entidatz financieras’.

A PAH diz que as midas que proposaba en a ILP permitiban ‘suavizar de traza decisiva os efectos socials mas dramaticos d’a crisi economica actual’, y que a reforma que ha feito o PP ‘continará condenando a la pobreza y a la exclusión social a centenars de mils de personas’.