A plantilla de Johnson Controls en Alagón convoca vaga indefinida dende l’1 d’octubre

Unatro expedient d'extinción y de suspensión en Johnson Controls provoca a convocatoria d'una vaga indefinida en a factoría d'Alagón

Manifestación en solidaridat con a plantilla de Johnson Controls. Foto: Comité Interpresa JCA

Manifestación en solidaridat con a plantilla de Johnson Controls. Foto: Comité Interpresa JCA

O pasau 6 de setiembre a interpresa auxiliar de l’automobil Johnson Controls Alagón comunicó a o comité d’interpresa a intención de fer fuera a 49 treballadors por medio d’a presentación d’un expedient d’extinción amás d’un expedient de suspensión de 25 días pa la resta d’a plantilla.

Seguntes informa o comité d’OSTA en Johnson, dimpués de qualques reunions ahiere se dioron por trencadas as negociacions, “ya que a interpresa s’obstina en continar con os despius, incapaz d’acceptar alternativas menos lesivas pa las y os treballadors como sería l’ixample de l’expedient de suspensión pero racionalment utilizau”. “O estancamiento d’a negociación conlleva que pa esfender os puestos de treballo por parte d’as y os treballadors s’haiga presentau convocatoria de vaga indefinida dende o venient 1 d’octubre” apostilla OSTA.

Juanjo Baquedano, miembro d’o comité d’OSTA en a factoría d’Alagón, recuerda que “fa tant solament 9 meses a interpresa ya presentó un expedient de suspensión de conchunta con un d’extinción, pactando con o comité a salida de 45 treballadors con a indemnización de despiu improcedent y un expedient de suspensión que remata a suya aplicación agora en setiembre”. Dito expedient ha estau utilizau de “forma tasa, inchusta y sin un criterio organizativo claro, chenerando caos y desigualdatz, con una plantilla que leva dende finals de 2011 con expedients de suspensión utilizaus de forma arbitraria” subraya Baquedano.

Dende OSTA critican l’actitut d’a interpresa, que “una vegada mas contrimuestra a suya incapacidat de respectar lo sinyau, incapables de presentar un plan industrial que guarancie a estabilidat d’a fabrica y solament centrada en aplicar a reforma laboral”.

Fuent: http://arainfo.org/2013/09/la-plantilla-de-johnson-controls-en-alagon-convoca-huelga-indefinida-a-partir-del-1-de-octubre/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.