A plantilla de Prefabricaus de Selgua contina a vaga a l’aspera d’una respuesta d’a interpresa

A fabrica situada en Monzón contina con una vaga indefinida que ye amanada a cumplir un mes en protesta por os atrasos en cobrar seis meses

Monzon-Uesca-Prainsa-Huelga-300x168

Foto: Radio Huesca

L’1 de chuliol as y os treballadors de Prefabricaus de Selgua empecipioron una vaga indefinida en protesta a l’impago d’as mas de seis nominas que les adeuda a dirección. Tres semanas dimpués a vaga se mantiene a l’aspera d’una solución.

O comité d’interpresa ha afirmau que mantendrán l’ature en a fabrica dica que plegue una respuesta por parte d’a interpresa a una proposa presentada a semana pasada en a quala establiban os minimos pa tornar a o treballo. En o periodo que levan de vaga han percibiu una cantidat d’os atrasos, seis nominas son as que les debeban, que no satisfeba a demanda d’as y os treballadors, seguntes informaba ahiere Radio Huesca.

Mientres istas tres semanas, os emplegaus han levau a suya problematica a distintas administracions y t’a carrera.

Prefabricaus Selgua, adedicada a la fabricación de traviesas pa las vías ferrias, perteneixe a o Grupo Prainsa. Ye situada en o Poligono L’Armentera d’a capital mediocinquenya, chunto a Prefabricaus Monzón, tamién d’o Grupo Prainsa y immersa actualment en un concurso de crededors.

Fuent: http://arainfo.org/2013/07/la-plantilla-de-prefabricados-de-selgua-continua-la-huelga-a-la-espera-de-una-respuesta-de-la-empresa/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.