A plantilla de Sarga ferá movilizacions en chulio en esfensa d’as suyas condicions de treballo

Se programan vagas parcials, mocions en os concellos y replega de sinyas

Protesta d'a plantilla de SARGA (Foto: CCOO)

Protesta d’a plantilla de SARGA (Foto: CCOO)

As organizacions sindicals OSTA y COOO y a Candidatura Independiente de Sarga informan sobre a convocatoria de vaga parcial t’os diyas 14, 18 y 25 d’iste mes, chunto con movilizacions en quasi 80 localidatz aragonesas t’os diyas 11, 18 y 25 de chulio y atras actuacions con a intención de que o Gubierno d’Aragón se pose a negociar as condicions de treballo d’a plantilla de SARGA.

Entre os motivos presentaus por os sendicatos ta istas movilizacions ye o “bloqueyo” d’a negociación d’o I Convenio Colectivo de SARGA “como conseqüencia d’a negativa d’a intepresa a negociar aspectos fundamentals d’as relacions laborals”, más que más os relacionaus con milloras en os chornals y a millora en l’aria de contratación y “protestar por a decisión unilateral d’a interpresa d’aplicar a la plantilla de SARGA l’Estatuto d’os Treballadors, deixando d’aplicar os suyos anteriors convenios colectivos (SODEMASA y SIRASA)”.

“A no aplicación en iste 2014, con ausencia total de negociación, d’os alcuerdos que se facioron en 2011 y 2012 sobre meses de treballo en l’Operativo de Prenvención y Acotole d’Incendios, como trango previo a o cumplimiento d’o que s’estableixe en a Lei de Monts, os repetius anunciaus de posible privatización de man d’o Gubierno d’Aragón d’o servicio de replega de calavres d’animals (servicio MER), a indefinición de man d’a interpresa d’un Plan de Viabilidat en SARGA que guarencie o treballo dimpués d’haber aguantau a plantilla en 2013 un ERE d’extinción de 86 personas y as dubdas que chenera a insuficiencia d’o presupuesto sobre a estabilidat d’os puestos de treballo en os Espacios Naturals Protechius”, son atros motivos mesos sobre a mesa por os sendicatos.

Accions en chulio

Mientres tot iste mes, se ferán concentracions en todas las localidatz aragonesas a on que bi haiga treballadors y treballadoras de SARGA (retens, parques, puestos fixos de cusira, autobombas, administración, servicio MER, vivers, helitransportadas, servicio d’infraestructuras….) debant de cada Concello u centro de treballo mientres os diyas 11, 18 y 25 de chulio. Arredol de 80 concentracions cada duyas, ixemenadas por totz os entornos rurals d’Aragón y as principals localidatz.

Convocan tres chornadas de vaga parcial, que durarán meya hora, t’os diyas 14, 18 y 25 d’iste mes. O motivo de dita parcialidat ye “prebar d’empachar os servicios minimos d’o 100% establius por o Gubierno d’Aragón y a interpresa en a vaga convocada en l’anyo 2011, servicios minimos que deseyamos que no se tornen a producir y se permita a la plantilla de SARGA exercer o suyo dreito de vaga con normalidat”, explican.

Antimás, OSTA, CCOO y a Candidatura Independient instarán mocions en os concellos y en as comarcas demandando a lo Gubierno d’Aragón y a SARGA que amillore as condicions laborals d’as y os treballados que fan “iste servicio esencial a la sociedat, en situacions penibles en bells casos, y que sirve, antimás, t’asentar a la población en o nuestro territorio”.

Tamién replegarán sinyas en tot Aragón y interpondrán, de man d’os comités d’interpresa de Zaragoza, Uesca y Teruel, conflictos colectivos contra la decisión unilateral d’a interpresa d’aplicar a la plantilla de SARGA l’Estatuto d’os Treballadors.

L’obchectivo principal d’iste proceso movilizador que agora prencipia, “antimás d’o indicau antes, ye a intención de posar-nos y negociar con o Gubierno d’Aragón, propietario de SARGA, todas as circunstacias que motivan istas movilizacions y que afectan a toda la plantilla de SARGA”.

Fuent: http://arainfo.org/2014/07/la-plantilla-de-sarga-realizara-movilizaciones-en-julio-en-defensa-de-sus-condiciones-de-trabajo/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.