A plantilla de Trox firme en o primer día de vaga contra a menaza de 76 despius

A plantilla d'a interpresa Trox en A Cartuixa ha empecipiau hue una vaga de tres días en defensa de 76 puestos de treballo

Huelga_en_Trox-300x225

Foto: AraInfo

En o día de hue s’ha realizau a primer d’as tres chornadas de vaga marcadas por as y os treballadors d’a interpresa Trox en A Cartuixa. Os 250 treballadors d’a plantilla yeran clamaus a secundar istes tres días de vaga debant d’a menaza d’a companyía alemana de presentar un expedient d’extinción pa 76 personas. O seguimiento ha estau, seguntes informa o sindicato OSTA, quasi d’o 100% d’a plantilla de producción.

Pa OSTA, “con o seguimiento os treballadors han deixau claro a la interpresa que no son disposadas a reblar y que ye fundamental o mantenimiento d’os puestos de treballo, feito que ya se pactó o setiembre pasau y que a interpresa debe respectar”.

OSTA veye que os acuerdos anteriors aconseguius con a dirección “no tienen garra valor pues dimpués de nueu meses o convenio sigue sin estar rechistrau”. En iste sentiu, o sindicato entiende iste feito como “muit grieu” ya que “en ells se reguaranciaba entre atros una clausula de guarancia y mantenimiento de l’emplego”.

“A lición impartida por as y os treballadors de Trox en o día de hue debe estar sentida y reflexionada por a interpresa ya que en caso contrario o conflicto s’agravará” concluye OSTA.

Fuent: http://arainfo.org/2013/07/la-plantilla-de-trox-firme-en-el-primer-dia-de-huelga-contra-la-amenaza-de-76-despidos/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.