A plaza d’o Torico cambiará as suyas lucetas

O lunes prencipiarán as obras ta cambiar bellas lucetas y sacar-ne belatras

Antonio Suárez (D.Ch.A.) y Daniel Cuartero (Acciona) sinyando l'alcuerdo (Foto: D.Ch.A.)

Antonio Suárez (D.Ch.A.) y Daniel Cuartero (Acciona) sinyando l’alcuerdo (Foto: D.Ch.A.)

A teruelana Plaza d’o Torico tornará a cambiar de look. Iste lunes prencipiarán as obras, que ye previsto que se prolarguen por dos meses, ta cambiar belunas d’as lucetas que agora mesmo bi ha por tierra y sacar-ne belatras.

As obras empecipiarán gracias a l’alcuerdo que sinyoron o martes o gubierno d’Aragón y a interpresa Acciona responsable d’as obras. Seguntes ha informau a D.Ch.A.  o pre d’a modificación d’as lucetas no puyará o pre que teneba o primer achuste. Se da, antimás, un plazo de dos meses a la interpresa ta que remates os treballos.

O prochecto, que ya aprebó lo concello de Teruel, cambiará as licetas más amanadas a lo Torico por atras de fabricación alemana y color blanca. En a resta d’a plaza, os foraus deixaus por as lucetas que se’n sacarán se plenarán con basalto, a mesma piedra d’a resta d’a plaza.

Istas obras plegan dimpués de que buena parti d’os ciudadans y organizacions se queixasen d’o resultau de l’esvielle d’a plaza y de que as lucetas s’estricallasen terne que terne.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.