A policía de Nueva York “violó dreitos basicos” mientres as protestas.

Un estudio universitario replega testimonios y documentos sobre abusos policials

Imachen d'as protestas (Foto: Lucas Krech)

Imachen d’as protestas (Foto: Lucas Krech)

Un estudio universitario analizó as accions d’a Policía mientres as manifestacions que bi habió en Nueva York en l’agorrada de 2011. Os resultaus d’a investigación dicen poco a favor de l’actuación d’o Departamento de Policía d’a ciudat. Os especialistas d’a Universidat de Nueva York y as escuelas de Dreito Fordham denuncian que os policías actuoron de traza violenta, aplicoron una fuerza que no caleba y arrestoron chent sin garra fundamento. Antimás, as suyas accions metioron entrepuces t’a libertat de prensa en impedir en diferents ocasions o normal treballar d’os periodistas.

Dimpués d’analizar a-saber-los video, documentos y publicacions de prensa y charrar con activistas d’o movimiento Occupy Wall Street y testimonios, os autors de l’informe concluyen que as autoridatz preboron de reprimir as protestas a tamás d’estar legals. “O ran d’impunidat ye sorprendent”, seguntes Sarah Knuckey, profesora de Dreito d’a Universidat de Nueva York, citada por The Guardian. “Muitas personas entrevistadas ploraban en parlar d’as suyas trobadas con a policía”, adhibe. Con tot y con ixo, os investigadors no podioron conoixer l’anvista d’o Departamento de Policía, encara que o suyo obchetivo yera d’ufrir tamién a versión d’as autoridatz cuanto a lo que i pasó. Entre as violacions más cutianas se nombran as siguients: – Batans contra as acampadas pacificas en o preto d’a nueit, bloqueyo inchustificau d’espacios publicos y dispersión d’asambleyas, falta de transparencia en a politica d’o gubierno, agresividat y ocupación con masiada fuerza contra manifestants, periosdistas u chent que i pasaba.

Os especialistas recomiendan investifar os abusos policials. O informe ye o primer d’una serie que incluye información sobre as violaciosn en atras ciudatz como Oakland u Boston

 

Fuent: http://noticies.sirius.cat/2012/07/la-policia-de-nova-york-va-violar-drets.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.