A policía devanta o campamento d’o 0,7% de Zaragoza

Se prebaba de tornar a fer una acampada parellana a la de 1994.

Acto reivindicativo d'o 0,7% (Foto: El Ventano)

Acto reivindicativo d’o 0,7% (Foto: El Ventano)

A policía empachó ahiere de nueitz que a Federación Aragonesa de Solidaridat fese en Zaragoza l’acampada que heba organizau como acto simbolico de protesta por a brutal baixada d’as partidas destinadas ta cooperación internacional de man d’as diferents administracions publicas.

Baixo o lema “Recupera l’esprito d’o 0,7”, as entidatz que fan parti d’a FAS, preban de fer vistera o nulo ficacio que os gubiernos fan a los países que más les ne cale. Con l’acampada querioron fer remerar la que se fació en 1994, quan decenas de tiendas implioron o Paseyo d’a Constitución con a mesma enchaquia.

En o suyo informa anyal sobre Aduya Oficial t’o Desembolique (AOD) en Aragón, en 2011, “a cantidat adedicada ta Cooperación t’o Desembolique en as administracions aragonesas ye d’una meya de 0,18% sobre o suyo presupuesto total”.

A FAS denuncia que no se son cumplindo os compromisos presos por as dos institucions más importants d’Aragón. Asinas, “o Gubierno d’Aragón definió en o suyo Plan Director 2008-2011 que os presupuestos d’o 2009, 2010 y 2011 contemplarían una puyada de a lo menos un 20% sobre l’anyada anterior en AOD. Pues bien, en 2008, en dioron o 0,17%, en 2009, o 0,17%, en 2010, o 0,19% y en 2011 o 0,14%”, asegura l’informe.

Cuanto a lo Concello de Zaragoza, l’estudio sinyala que no ha cumpliu o suyo compromís de plegar en o ,7% en 2011, habendo-se quedau en o 0,48%. A FAS reconoix o poder que fa o concello zaragozano, pero a partida queda encara luen d’o prometiu.

En a demba estatal, as partidas endrezadas t’Aduya Oficial t’o Desembolique vienen retallando-se dende 2009, quan suposaba o 0,43 % d’o PIB. En os Presupuestos ta 2013, ista aduya s’ha achiquiu a menos d’a metat, estando un 0,20%.

 

Fuent: http://elventano.blogspot.com.es/2012/12/la-policia-levanta-el-campamento-del-07.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.