A policia francesa carga contra os “indignaus” de camin ta Bruselas

Una presona ha quedau ferida y a lo menos 40 encara remanen en comisarias de Paris


Os indignaus, debant a policia (Foto: Pierre)

Os indignaus, debant a policia (Foto: Pierre)

Una marcha d’indignaus espanyols de camin ta Bruselas s’ha trobau ista nueit con a policía francesa, que ha viedau a suya gambadeta, por creyer-la una manifestación ilegal. Unas 80 presonas han estau portadas, amas, enta comisarias d’a ciudat, encara que a policia francesa diz que nomás ta identificar-las.

Os feitos s’han produciu mientres o recorriu d’a Marcha Mediterránea enta Bruselas, en a suya plegada ta París. Dende o centro de medios d’a marcha s’asegura que no yera una manifestación por as carreras de París. En a carga una presona ha resultau ferida, unatra ha pasau a disposición chudicial, y a lo menos 36 presonas se troban encara en comisarias d’esferents vicos d’a capital francesa.

A resta d’os partecipants en a marcha han pasau a nueit amán d’a Plaza d’a Bastilla ta asperar as resolucions chudicials y policials, mientres que en Barcelona y Madrid s’han feito concentracions en a Embaixada y o Consulado francés ta protestar contra a carga policial y as detencions.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.