A policia francesa mata a l’autor d’os crimens en Tolosa

A policia francesa y as suyas collas d’elite, dimpués de un diya de sitio ta capturar a o sospitoso d’os crimens de Tolosa y Montalban en Occitania, han dentrau en casa suya a l’asalto y l’han abatiu a tiros. En os primers moments d’o sitio en que a policia tenió en casa d’o sospitoso, ya heba habiu entrecambeo de disparos que prevocoron feridas a tres achents. Dimpués de descartar a pista neonazi, o ministro francés d’Interior, Claude Guéant, identificó a un hombre, Mohamed Merad, de 24 anyos, como sospitoso d’as muertes de 7 presonas en Tolosa y Montalban en os zaguers 8 diyas.

Seguntes as explicacions de l’Eliseo, iste hombre seria un delincuent común que habria feito contacto con celulas islamicas terroristas, y por ixo creyen que l’asesino habria actuau moviu por a revancha contra la presencia de tropas francesas en paises musulmans y l’agresión israelí en Gaza d’as zagueras semanas.

Tanto ista presona como o suyo chirmán, habrían estau formaus en a zona de Afganistán controlada por os talibans. En un vehiclo d’o chirmán s’han trobau amás, materials explosivos.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.