A Policía Local de Pinsec tendrá un nuevo cuartel

O departamento de Politica Territorial y Interior alportará quasi 15.000 euros t'acondicionar dos antigas viviendas como cuartel d'a policía.

Antonio Suarez con representants de Pinseque (Foto: D.Ch.A.)

Antonio Suarez con representants de Pinseque (Foto: D.Ch.A.)

O conseller de Politica Territorial y Interior de l’Excutivo aragonés, Antonio Suárez, ha sinyau un convenio con l’alcalde d’o Concello de Pinsec, José Luis Melús, ta “amillorar o servicio policial d’o lugar“.

Iste alcuerdo suposa que s’alportarán 14.839 euros ta financiar obras t’acondicionar dos antigas viviendas ta fer un cuartel t’a Policía Local de Pinseque.

Iste convenio ye aintro d’una politica d’o Gubierno d’Aragón de colaboración con Concellos d’o país ta amillorar os servicios personals y materials d’a policía local. En Chaca, Borcha, Calatayú y Alcanyiz, ya han sinyau alcuerdos d’istas mesmas caracteristicas por un total de 80.000 euros. Os concellos de Quart de la Uerva y Monzón tamién tendrán una dotación economica ta fer obras y mercar meyos materials.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.