A policía espanyola esbota o primer acto d’a chornada de luita

O sindicato de sanidat de CGT realiza un acto informativo en l'Hespital Clinico Universitario de Zaragoza, previo a la vada cheneral de maitín.

Foto: CGT Aragón

Diya 28, os sindicatos combativos d’a ciudat han convocau chornada de luita. O sindicato de Sanidat de CGT realiza un acto informativo en as rampas d’acceso d’o Clinico Universitario Lozano Blesa, con una puesta en scena que consistiba en que bells calavres yeran acompanyaus d’o lema “A Reforma Laboral me mata y os retalles sanitarios nos matan”.

Amás s’han reuniu meyo centenar de personas concentradas con sinyals y folletos, trucando lo ficacio sobre os retalles en materia de sanidat y d’a nueva reforma laboral, pero en garra caso han empachau o transito de viandants u vehiclos en a rampa d’acceso a la puerta principal de l’hespital.

Mientres l’acto ha apareixiu un furgón d’a Policía espanyola y un achent ha demandau a presencia d’un responsable, a qui han identificau. Le han comunicau que si no se disolveba a concentración que i heba en a rampa procederían a realizar mas identificacions y a la ubridura d’expedients sancionadors. Por o que s’ha decidiu de rematar l’acto en ixe momento, tal y como declara E.M.R.R miembro de CGT Sanidat a AraInfo: “porque en garra momento con iste acto pacifico pretendebanos orichinar garra mena de conflicto”.

Fuent: http://arainfo.org/2012/03/la-policia-nacional-revienta-el-primer-acto-de-la-jornada-de-lucha/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.