A Presidenta Rudi sinya o decreto de convocatoria d’eleccions a Cortz d’Aragón t’o 24 de mayo

A campanya electoral empecipiará o 8 de mayo. A sesión de constitución d'as Cortz será o 18 de chunio

Luisa F. Rudi sinya o decreto. Foto: Gubierno d'Aragón

Luisa F. Rudi sinya o decreto. Foto: Gubierno d’Aragón

A Presidenta d’o Gubierno d’Aragón, Luisa Fernanda Rudi, ha sinyau hue lunes o Decreto de disolución d’as Cortz d’Aragón y de convocatoria d’eleccions t’o domingo 24 de mayo. O Decreto será publicau maitín martes, 31 de marzo, en o BOA, Boletín Oficial d’Aragón.

En aplicación de l’establiu en os articlos 36 d’o Estatuto d’Aragón y 13 d’a Lei Electoral d’Aragón, o numero de diputaus y diputadas a eslechir por cada circumscripción electoral será o siguient: circumscripción electoral de Uesca, 18 diputaus y diputadas, circumscripción electoral de Teruel, 14 diputaus y diputadas, circumscripción electoral de Zaragoza, 35 diputaus y diputadas. En total as Cortz d’Aragón continarán sumando 67 diputaus y diputadas.

A campanya electoral tendrá una duración de 15 días. Prencipiará a las 00:00 horas d’o día 8 de mayo y rematará a las 24:00 horas d’o día 22 de mayo. O Decreto estableix que o 18 de chunio de 2015, a las 11:00 horas, tendrá puesto a sesión constitutiva d’as Cortz d’Aragón.

O Decreto marca amás as limitacions de publicidat entre o periodo electoral, a fin de no influir en a intención de voto, l’actividat publicitaria que desenrollen as Administracions en Aragón, no podrá realizar-se en o periodo comprendiu entre a convocatoria d’as eleccions y o día d’a suya celebración. Encara que sinyala como excepcions, a difusión d’a información estrictament necesaria t’o normal funcionamiento d’os servicios administrativos y t’a salvaguarda de l’intrés cheneral, y a relativa a la campanya institucional regulada por a Lei Electoral d’Aragón.

Fuent: http://arainfo.org/2015/03/la-presidenta-rudi-firma-el-decreto-de-convocatoria-de-elecciones-a-cortes-de-aragon-para-el-24-de-mayo/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.