A prima de risque contina amán d’os 540 puntos

A vicepresidenta d'o gubierno espanyol, Soraya Sáenz de Santamaría, viacha ta Washington ta reunir-se con a directora d'o FMI, Christine Lagarde, y con o secretaire d'o Tresoro d'os Estaus Unius, Timothy F. Geithner

A prima de risque ha continuau en rans maximos en a obridura d’os mercaus. Si ahiere plegó a os 540 puntos basicos, a cifra mas alta dende l’euro, hue se i mantiene amán, y l’intrés d’o bono espanyol ye d’o 6,67%. Posteriorment s’ha rebaixau una mica, dica os 530 puntos. O probable refuse d’o Banco Central Europeu a o plan de nacionalización de Bankia, entre mas circumstancias, castigó ahiere a prima de risque y a bolsa espanyola: l’Ibex 35 cayó por debaixo d’os 6.100 puntos, un branquil que ha tornau a recuperar hue de maitins.

Ta mirar-se de calmar os mercaus internacionals, hue a vicepresidenta d’o gubierno espanyol, Soraya Sáenz de Santamaría, viacha ta Washington ta reunir-se con a directora d’o Fondo Monetario Internacional (FMI), Christine Lagarde, y con o secretaire d’o Tresoro d’os Estaus Unius, Timothy F. Geithner.

A portavoz d’o gubierno les explicará dreitament as reformas que ha puesto en marcha l’executivo de Mariano Rajoy en istos cinco meses, como a reforma laboral, a reforma d’o sistema financero y a lei d’estabilidat presupuestaria.

Fuent: http://www.vilaweb.cat/noticia/4016015/20120531/prima-risc-baixa-continua-prop-540-punts.html

Una rispuesta a A prima de risque contina amán d’os 540 puntos

  1. sarasamarcuello

    Por que no marchamos d’o euro ya directament. Asinas nos eviatariamos o viacrucis que ye por prencipiar a zagieros de chunio.

    Entalto Syriza!

    Entalto Rafael Correa!

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.