A prima de risque espanyola contina a suya puyada

A posible salida de Grecia de l’euro ha tornau a fer puyas as primas de risque d’a deuda soberana d’atros estaus, como l’espanyol. Iste maitín de luns a prima espanyola ha continau o suyo camin enta o teito y ha marcau más de 480 puntos d’esferencia con os bonos alemans. En clau domestica, tamién ye en qüestión o nuevo plan d’o gubierno espanyo ta restructurar o sector d’a banca. Bells analistas creyen que ixe plan tornará a fer creixer a deuda espanyola, fendo más volatils os bonos de deuda.

Asinas mesmo o principal indicador bursatil d’Espanya, l’IBEX 35 de Madrit, ha prencipiau a semana perdendo dica un 3%. Ista semana os ministros d’economia d’a Eurozona analisarán a situgación en Grecia, an que no pareixe facil que se creye un nuevo gubierno d’unidat, lo que facilitaria una decisión drastica d’a salida de l’euro de Grecia, y a nueva restructuración d’o sistema bancario espanyol, aprebada por o gubierno de Mariano Rajoy o zaguer viernes.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.