A primera morisma nocturna de L’Ainsa estio un exito

A representación se celebró iste cabo de semana en a localidat sobrarbense.

Imachen d'a representación. (Fuent: sobrarbenses.com)

Imachen d’a representación. (Fuent: sobrarbenses.com)

En a Plaza Mayor de L’Aínsa tornoron a vencer os cristians a os sarracenos en a Morisma, a representación que fan os habitants d’ista villa cada dos anyos, y que en ista ocasión se feba por primer vez de nueitz.

Seguntes muitos d’os actors y opinions chenerals, ista primera Morisma nocturna se puede qualificar d’exitosa, tot y que dica zaguera hora no se tenió a certeza de poder realizar-se por qëstións climatolochicas.

Todas as localidatz d’as gradas vendidas, tamién as siellas, confirmoron l’acierto, a lo menos en ista primer vez, de probar una edición d’a Morisma de nueitz.

A carrasca iste anyo s’enchegó a traviés d’una tira de fuego aeria que simulaba un rado, una orichinal ideya que amana encara mas si culle, a leyenda a la chent.

No faltoron en ista ocasión as clasicas morciellas roscadas por os ditos, istas fan alusión a temas actuals d’intrés cheneral u particular y son adhibius personalizaus a os textos d’os propios actors, en ista ocasión trucó o ficacio a que fació o mosen, con un cenyo a la campanya d’emparo a la ELA, a esclerosis lateral amiotrófica, a d’o pozal d’augua chelada en o qual se tira un por dencima ta amostrar emparo a la malotía. O cura se tiró l’augua bendita por a cabeza, en cuenta de prebar de baltizar mullando a l’ambaixador moro, contino pasó a nominar a o Rei Moro, a o Rei Cristiano y a o Director de Central de Reservas.

D’atra man, iste anyo s’ha homenacheau a dos participants d’a Morisma, a Pepe de “Casa Buerba” y a Antonio “o Zapatero”, dos personas muit vinculadas a la Morisma, mas que mas por os anyos en os que i han amaneixiu. Tamién se tenió una especial reconoixencia ta Antonio Puyuelo.

Fuent: http://sobrarbenses.es/exito-en-la-primera-representacion-nocturna-de-la-morisma/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.