A proposa d’a nueva PAC europeya no convence a o sector

A venient semana ministerio espanyol, comunidatz y agricultos s'achuntarán ta elaborar una proposa

A nueva proposa de PAC anunciada por a comisión europeya no ha trobau o refirme d’o sector agricola aragonés. As organizacions agrarias cretican, por eixemplo, que ta ser considerau agricultor en a nueva proposa, nomás un 5% d’a renta provienga d’o campo.

O secretaire cheneral d’UAGA, José Manuel Penella, ha dito que a proposa “ye continuista, y, por tanto, no soluciona garra d’os problemas que heba creyau a primera PAC”. Tamién ha demanau midas de control en os mercaus ta que os productos tiengan pres menimos fixaus por lei, y aduyas ligadas a la producción y no directas que premitan a os chovens adedicar-se a o sector primario.

Tamién o ministerio espanyol de Meyo rural ha creticau a proposa europeya, y ha planteyau una enmienda a la totalidat d’a reforma. Ista enmienda a la totalidat tampoco no ha feito goyo a las asociacions agrarias que creyen que a proposa europeya puede debatir-se sin posturas maximalistas como la d’o ministerio.

O director cheneral d’Agricultura y Desembolic Rural d’a Comisión Europeya, José Manuel Silva, ha esplanicau que a reforma d’a PAC centra o suyo obchetivo en o territorio y no en os agricultors, encara que ha dito que no s’en xublidaran.

Silva ha anunciau que a partir d’agora s’ubre un proceso de debate, y ha estimau que dica la primavera de 2013 no s’adoptará garra decisión sobre a materia.

A semana venient ye previsto que o ministerio espanyol, as comunidatz autonomas y os agricultors s’achunten ta elaborar una proposa de conchunta sobre a PAC que plegue enta o Parlamento europeyo.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.