A realidat a traviés d’as gafas de Google

Un vidio amuestra os posibles emplegos de Glass, que a intrepresa californiana desembolica

Google_Glass_detail

Foto: Wikipedia

O Prochecto Glass de Google ye cada día mas amán de plegar t’os usuarios. Dimpués de presentar-lo en o congreso de desembolicadors, y dimpués d’amostrar un socio fundador d’a interpresa un prototipo aintro d’o metro de Nueva York, agora Google ha amostrau, a traviés d’un nuevo vidio, de qué son capables as suyas gafas de realidat aumentada. A companyía amuestra o comportamiento de Glass en un viache en globo, en una pista d’esquí u en una cayida libre en paracayidas, dende a on, se fan fotos, vidios, vidioconferencias u se siguen rutas de Google Maps.

Se presentoron istas gafas aintro d’a zaguera conferencia Google I/O de Sant Francisco y, por agora, a companyía ha empecipiau a ninviar-las a os desembolicadors ta que puedan quitar-ne o maximo profeito. Gracias a la realidat aumentada, os usuarios pueden tener muitas funcions d’un smartphone u d’una tablet dreitament en os uellos.

Dimpués d’estar anunciadas en Sant Francisco, Google heba amostrau chicotz extractos d’o que puede veyer-se a traviés d’istas gafas. Pero de qué son verdaderament capables, isto no amaneixe en detall. Aintro d’o vidio nuevo, se veye que decindo nomás “fe una fotografía” u “fe un vidio”, adhibindo a formula “OK Glass” antes de cada orden, as gafas empecipian a executar l’acción. Fotografías, vidios, videoconferencias y widgets, con a hora, o día u a temperatura ambient, son belunas d’as funcions que i amaneixen.

Fuent: http://www.jornalet.com/nova/1462/la-realitat-a-travers-de-las-lunetas-de-google

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.