A rebutir de chent en a presentación de “Prou, prou luen”

"Prou, prou luen" ye un libro disco de falorietas meyoambientals escrito por Tamara Marzo y Carlos García y editau por ARA Cultural

Os autors Tamara Marzo y Carlos García y Gonzalo González (d’ARA Cultural) presentoron en Zaragoza o suyo libro “Prou, prou luen”, un libro disco de falorietas meyoambientals ta ninos y grans. O libro, en que ha colaborau o departament de Meyo Ambient d’o Gubierno d’Aragón, presenta amás unas ilustracions feitas por Chusé Bolea.

Presentación de "Prou, prou luen" en La Pantera Rossa

Presentación de "Prou, prou luen" en La Pantera Rossa

A presentación, en La Pantera Rossa, estió a rebutir de chent, que quereba dar o refirme a os autors y mercar un libro que aduya a os chicotz a entender o meyo ambient de paisaches amanaus como L’Alfranca, a Sarra d’Albarracín, Guara u Ordesa, a traviés d’as historietas que protagonizan una fuella, una alica, un escarabaixo y una babieca, alcompanyaus d’atros muitos animals que esplanican as suyas esferencias y similitutz.

En o libro disco as voces han estau ripresentadas por Eduardo Lolumo, Antón Castro, Jorge Asín u Fran Fraguas, que s’han prestau desinteresadament a colaborar con as suyas voces. Un sobreintresant libro t’amostrar as valors d’o meyo ambient y d’a luenga, como se’n dició en a presentación y que amanan un mundo animal tant quiesto y amanau como desconoixiu.

En l’acto tamién partecipo a Chaminera d’Angel Vergara y Toche Menal, inte que reculle o video, que con as suyas cantas y chuegos amanó os paisaches d’as falorias ta os presentz, amás de reivindicar a mosica tradicional y os suyos trastes ta fer veyible un mundo más en concierto con a naturaleza.

2 Rispuestas a A rebutir de chent en a presentación de “Prou, prou luen”

  1. Un llibro maravilloso, de verdat. Un modelo d’aragones muit aceptable, debuixos bien aconseguius, audicions nitidas y versemblants, historias infantils con valors humans y un CD que complleta una magnifica publlicación. Y tot per 15 euros! Es mios parabiens a’ls editors, autors, colaboradors, chestors y amos de la Pantera Rossa, y tamé Arredol per fer-ne difusion. A vier si altros medios en aragonés en fan publicidat como cal y entre totz aduyam a que s’acoren es eixemplars! Per cierto, companyers, me pienso que en aragones ye queriu, no quiesto, quan l’empllegam como adchetivo. Només ye que una matización. Saludos y enta devant con el periodico.

  2. Pingback: A botiga de Nogara | Asociación Cultural Nogara – Religada

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.