A redolada d’o Mayestrato s’amostrará en un calendario online

A redolada d’o Mayestrato prepara ya a nueva edición d’o calendario online que amuestra esferents cantonadas d’o territorio y que podrá veyer-se en a galería fotografica d’a web institucional. Mas de 20 personas s’han presentau iste anyo a o concurso de fotografía con 63 instantanias d’as que se trigaran as dotze imachens que ilustrarán l’almanaque.

Os ganadors iste anyo han estau “Luz de setiembre”, de Joaquín Campos, feita en Cantavieja y dotada con 500 euros. O segundo galardón ha recayito en a foto “Azud d’os chorros” de José Francisco López Martín, feita en Montoro de Mezquita y que recibirá 350 euros.

O terceno ye ta la fotografía “Unatra anviesta d’o Convento de San Miguel”, de Luis Pitarque García, tomada en As Cuevas de Canyart y dotada con 100 euros.

L’obchectivo d’o calendario, que iste anyo teneba como lema “Maestrazgo intimo” ye amostrar varios aspectos d’o territorio y que os habitants cada vez lo conoixcan y s’identifiquen mas con ell, amás d’animar y motivar a os fotografos a que se presienten a la siguient convocatoria.

L’almanaque se distribuye tamién de forma gratuita a totz os domicilios d’a Comarca d’o Mayestrato, ta ixo s’editan quasi 2.300 eixemplars.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.