A relatividat contina vichent

O pasau mes un experimento metió en dubda a teoría. Agora, un atro refusa os resultaus suyos.

A teoría d’a relatividat se metió en dubda o mes pasau, como informó Arredol, a causa de l’experimento Opera. Iste detectó uns neutrins, emitius por o CERN (Centro Europeu d’Invetigación Nucleyar), que iban a una velocidat mayor que a d’a luz. Ista velocidat, seguntes a teoría d’Einstein, ye a mayor posible en l’universo.

O experimento Icarus, situato muito a mán de Opera, baixo os Apeninos italians a 1400 metros baixo a tierra, no ha trobau garra preba de que os neutrins crebasen ixa muga. Fa bells diyas, os fisicos Andrew Cohen y Sheldon Glashow ya qüestionoron os datos de Opera. Seguntes ells, si un neutrin superase a velocidat d’a luz, habría de fer una esclatada d’enerchía, igual como quan se creba a muga d’o soniu. Ixa puyada d’enerchía no se detectó asinas que no bi ha un exceso de radiación y, alavez, os neutrins no son superlminicos.

Ta que tot isto podese estar compatible, o neutrin habría d’haber-se moviu por una dimensión extra, lo que, seguntes bells fisicos, ye posible encara que no s’ha puesto prebar.

Ahiere, o CERN prencipió con o prochecto Laguna que será o mayor laboratorio de neutrins d’o mundo. Ta fer-lo cal una graniza espelunga a on que i cullan 500.000 toneladas d’augua. O laboratorio de Canfranc ye un d’os siete candidatos europeus que podrían estar a suya siede.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.