A represión contina en Siria y Yemen

Atamás d'as cridas ta l'ature d'a violencia d'a comunidat entrenacional, a violencia contina en as carreras de Siria y Yemen

Dimpués d’un cabo semana plen de sangre, a violencia en as carreras d’a capital de Yemen, Sana, contina. Huei 6 presonas han estau acotoladas en concarar a las fuerzas melitars que han cargau contra os manifestants. L’exercito tamien ha chitau granadas contra un campamento d’opositors a o rechimen mientres que rezaban de maitins.

Tamién a represión contra as protestas en Siria contina amostrando-se a o mundo atamás d’o bloqueyo informativo. Os videos que os activistas penchan en os retz socials, como en ista colla de Facebook, mos fan veyer a la chent en a carrera, concarando a represión policial y melitar en Damasco u Homs. A ONU acusa a o rechimen d’Assad d’haber disparau contra civils sin armas, y d’haber acotolau a no menos de 2700 presonas, dentre ells, a lo menos 100 menors d’edat. Encara que Assad ha anunciado bellas vegadas que ubriria a man y que adempribiaria milloras legals y de dreito, garra d’ixas midas s’han feito y as protestas, a represion y a muerte contina.

A policia reprime cadaguna d'as manifestacións

A policia reprime cadaguna d'as manifestacións

A Liga Arabe ha tornau a fer una crida ta que s’ature a violencia d’os rechimens d’os dos paises, cosa que no parixe que tienga garra efecto sobre os gobiernos de Yemen y Siria. O president de Yemen contina, entremistanto, en Arabia Saudí, curando as feridas que recibió en l’ataque contra o suyo palacio presidencial.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.