A Ribagorza celebrará o suyo seiseno concurso de tapas

Atros concursos similars s'ha realizau en atras comarcas d'a provincia uescana con exito de participación y asistencia

Diferents y deliciosas tapas podrá tastar-se en qualques bars y restaurants d’a Ribagorza dende o día 10 d’iste mes mientres o VI Concurso de Tapas d’a Ribagorza. En total i competirá 17 restaurants de Benavarri, Benás, Castilló de Sos, Sarllé y Graus.

O día 10 s’enguerará o concurso a las 12:30 h. en o restaurant El Candil de Sarllé, ganador d’a pasada edición. O certamen continará dica o 14 de chulio. O día 17 se reprenerá o concurso dica o día 20. Os clients podrán tastar as tapas a un pre de 2,60 euros alcompanyaus de biera, vin, refresco u augua.

Todas as tapas habrán de portar longaniza como ingredient como que dos semanas dimpués se celebrará a Fiesta d’a Longaniza en a Ribagorza.

En l’Alto Galligo, Cinca Media, A Litera, Semontano de Balbastro y Sobrarbe ya s’ha realizau concursos similars con “gran exito de participación y asistencia“.

O concurso ye organizau por l’Asociación d’Hostelería y Turismo d’a provincia de Uesca, Diario de l’Alto Aragón y l’Asociación de Fabricants de Longaniza de Graus. Se pretende con os concursos “empentar a economía d’as comarcas d’a provincia, empentando o consumo y o turismo“.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.