A Ribera alta de l’Ebro demanda o ‘Cercanías’

Se ye fendo una replega de firmas. Se'n han conseguiu más de 2000.

 

Ilesia de Sant Pietro en Alagón (Foto: Biquipedia)
Ilesia de Sant Pietro en Alagón (Foto: Biquipedia)

O vecinamen de bells lugars d’a redolada d’a Ribera Alta de l’Ebro han prencipau una campanya de replega de firmas demandando que o tren de ‘cercanías’ enample o suyo recurriu dende Casetas, a on que remata agora, dica Gallur. Antimás quieren que tienga aturadas en Sobradiel, Torres de Berrellén, Alagón, Cabanyas d’Ebro, Pedrola, Alcalá d’Ebro y Luceni.

Seguntes a iniciativa, o coste sería prou chicot, en existindo ya a infraestructura principal que son as vías, y que son de tot operativas. En tasament dos semanas dende que se prencipió a campanya ya son más de 2000 las firmas conseguidas y s’ha enamplau a reivindicación dende Alagón, a on que prencipió dica quasi totz os municipios d’a redolada. As firmas se presentarán t’a D.Ch.A.

O concello de Zaragoza y o Ministerio de Fomento sinyoron, antis d’as eleccions espanyolas, un alcuerdo ta levar o tren dica Alagón. A D.Ch.A. no s’ha compromeso encara a fer-lo realidat.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.