A ribera de l’Ebro se para ta una creixida extraordinaria d’o río

Por agora, a punta d'a creixida ordinaria pasa por a capital aragonesa engaronando campos de cultivo. Dende a CHE dispondrán de datos concretos d'a venient creixida, que podría plegar iste mesmo cabo de semana

creixidaO deschelo y a cantidat de plevias que s’han rechistrau en os zaguers días en territorio aragonés ha provocau de nuevo a furia de l’Ebro a o suyo paso por a provincia zaragozana, a on no ha causau mals personals pero sí una important cantidat de mals materials en forma, mas que mas, de campos engaronaus por l’augua. A creixida ordinaria que ha experimentau o río pasará mientres iste viernes por a capital aragonesa y tot apunta a que a creixida extraodinaria podría plegar iste mesmo cabo de semana.

Dende a Confederación Hidrografica de l’Ebro (CHE) han asegurau que se debe mantener a vichilancia, encara que igualment han informau que os unicos mals que puede causar l’avenida extraordinaria serían, de nuevas, en forma d’inundacions. Dende a CHE han matizau que se podrán tener datos mas concretos mientres as venients horas. Por agora, l’Ebro cruza Zaragoza con 2,78 metros d’altaria y un cabal de 793,40 metros cubicos por segundo. En l’azute de Vadorrey, a Policía Local ha habiu d’acordonar a zona debant d’a plegada de l’augua en a zona piatonal.

Por parte d’o Gubierno d’Aragón, o consellero d’Agricultura y Meyo Ambient, Modesto Lobón, s’ha desplazau dica Gallur ta conoixer de primera man a situación d’una d’as zonas afectadas por a primera creixida. Dende o terreno, Lobón ha destacau a coordinación existent entre todas as Administracions: “Dende o primer momento s’ha estau en total coordinación con o consellero de Politica Territorial, Antonio Suárez, asinas como con a Confederación Hidrografica de l’Ebro y a Diputación Provincial de Zaragoza”, ha comentau.

Como mida preventiva, SARGA ha empecipiau un operativo compuesto por una decena de personas asinas como quantos vehíclos dotaus de ferramientas, bombas d’achique, cheneradors y material diverso. A tot ixo s’unen quantos dispositivos de maquinaria listos t’o suya treslau en qualsiquier momento.

Ta evitar en o posible mals adicionals, dende Protección Civil s’ha informau a os concellos d’a ribera de l’Ebro asinas como a las Asociacions de Voluntarios de Protección Civil sobre a creixida d’o caudal y qualques recomendacions como a evacuación d’aquells animals que sían situaus en zonas cercanas a la ribera d’o río y evitar amanar-se t’o mesmo.

Fuent: http://www.aragon2.net/n-20492-2-ribera_Ebro_prepara_para_crecida_extraordinaria

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.