A sala Oasis se subastará

O pre minimo ye de mas de dos millons d'euros

Dimpués de 18 anyadas de pleitos, a la fin a chusticia ha dau una sentencia finitiva. A historica Sala Oasis, en a carrera Boggiero de Zaragoza, saldrá a subasta o venient 26 de chinero a las 10 d’o maitín.

O pre tasau ye de más de tres millons d’euros, con un pre minimo de subasta de bell poco más de dos millons. Qui quiera participar-ie habrá de depositar quasi un millón d’euros ta poder fer-lo.

A familia Moreno Duarte, os demandants en o pleito, dicioron quereban que “bell hosteler u interpresario, si ye posible aragonés, mercase o negocio ta dar-le continidat”.

A sala s’ubrió en 1917 con o nombre de Real Concert y funcionando como un Cabaret. En 2008 estió a zaguer vegada que trancó, mientres quatre meses ta fer bellas reformas que o concello les desichió ta poder tener a licencia. Agora ye una discoteca y sala de conciertos. Mientres istos meses a sala continará ubierta y con a programación ya anunciada.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.