A sobiranía de Puerto Rico pasa por as urnias

Coincidindo con as presidencials d'os Estaus Unius, os puerto-riquenses decidirán entre independencia, integración u confederación

O mundo será pendient tot hue d’as eleccions americanas ta saber si Barack Obama podrá gubernar quatro anyos mas u si habrá de deixar a Mitt Romney.

En Puerto Rico o debat se centra, manimenos, en o futuro d’a isla, porque hue mesmo se vota l’estatuto politico d’iste estau libre asociau en os Estaus Unius. En a papereta dos preguntas: Tos ye bien a situación actual? Qué situación futura queretz?

Os puerto-riquenses pueden optar entre a independencia, a integración total en os Estaus Unius -que no pende nomás d’ells- y una ‘independencia light’, que ye isto d’un ‘estau libre soberano asociau’.

Oficialment, si ganaba ista zaguera opción -esfendida especialment por ELA Soberano-, os Estaus Unius y Puerto Rico habrían de discutir ‘como dos nacions’ a forma d’una confederación en que Puerto Rico retendría a sobiranía y a mayoría de competencias, encara que cedería belunas en os Estaus Unius. Isto anularía l’estatus d’estau libre asociau actual.

D’os tres grans partius d’o país, o Nuevo Partiu Progresista propugna a integración total, que convertiría Puerto Rico en l’estau cinquanta y uno d’a Unión; o Partiu Independentista demanda o voto por a independencia; y o Partiu Popular Democratico proposa de mantener a situación actual.

Si en a primer votación -sobre si s’ha de mantener l’estatus actual-, ganase o sí, ya no se contarían os votos d’a segunda opción. Nomás en o caso de que ganase o no en a primer votación, se computarían as tres opciones posibles ta saber quála ye a preferida d’os ciudadans.

Fuent: http://www.vilaweb.cat/noticia/4052857/20121106/sobirania-puerto-rico-passa-urnes.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.