A superficie de Marte, como no s’heba visto nunca

A NASA publica una fotografía panoramica de 1.300 millons de pixels

MarteDende l’aterrizache d’o robot Curiosity en Marte, fa quasi un anyo, a NASA ha obteniu muitismas fotografías d’a superficie d’a planeta roya. Pero agora plega de publicar-ne una muit especial: se tracta d’a fotografía panoramica mas detallada dica agora, con una resolución de 1.300 millons de pixels. Se tracta, de feito, d’una composición de quasi noucientos fotogramas captaus por o vehíclo explorador Curiosity en octubre y o noviembre pasaus.

A fotografía ofreixe una visión en 360 graus d’a zona anomenada Rocknest, en o fondo d’o crater Gale, dica a montanya Sharp en l’horizont.

Bob Deen, creyador d’a fotografía, ha subrayau que demuestra as capacidatz d’as camaras d’o Curiosity, que ‘permiten de veyer o contexto d’o vehíclo y amanar a imachen ta descubrir detalles muit finos’.

Fuent: http://www.vilaweb.cat/noticia/4127519/20130621/superficie-mart-shavia-vist-mai.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.