A televisión publica griega espacha a dos periodistas creticos con l’actuación policial

Os periodistas heban feito publicas as suyas creticas en os casos de torturas publicaus por The Guardian

A noticia en qüestión estié publicata por o ixe diyario o 9 d’octubre pasato quan The Guardian se feba eco de qualques queixas de tortura feitas cuentra la policía griega en as dependendias d’a Dirección Cheneral d’a Policía de Atica.

Zaga una baralla en as carreras d’Atenas entre clicas de ciudadans antifaixistas y miembros d’o partito neonazi Amaneixer Dorau, a policía aturó a qualques activistas de cuchas. En as dependencias policials os aturaus aductoron haber estato chusmesos a guares y alticamants greviadas policials: deinde escopitallos a toda mena de menazas a ra suya seguridat u mesmo cremaduras feitas en os brazos con briquetz.

O diyario britanico adchuntaba a noticia con bellas fotos on podeba veyer-se as nafras feitas presuntament por a policía griega.

Os dos periodistas espachaus, Kostas Arvanitis y Marinela Katsimi, treballadors d’a televisión publica griega ERT dica ahiere mesmo, heban analisato as queixas debantditas en o suyo pograma. En rematar íste, pocos menutos más tardi, o director d’a cadena feba un anuncio dicindo qu’os esmentaus periodistas no perteneixeban más a lo presonal d’a organización.

Iste feito suposa una platera y grieu violación d’o dreito dinformación qu’en ha d’estar guaranciato a los ciudadans por tot Estau que se diga democratico.

L’incident vien contino la detención o domingo pasato, de Costas Vaxevanis, periodista d’a revista Hot Doc por publicar o listau Lagarde, qu’en heba estato amagau mientres dos anyadas por ministros y capezas de partitos politicos, listau que conteniba os nombres de importants interpresarios y politicos corruptos embrecando-lis en un caso immenso de frau fiscal.

A contina imposición de midas d’austeridat en a sociedat griega ha esdevenito en excesos d’o gubierno que, con intinción de mantener-se en o poder, imposa a censura en os meyos de comunicación y estableix midas de represión y tortura crudels ta ciudadans que partecipan en manifestacions cuentra o faixismo puyant en Grecia y cuentra as politicas antisocials d’o gubierno heleno.

Fuent: http://globalvoicesonline.org/2012/10/30/greece-public-tv-journalists-fired-after-criticizing-minister/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.