A tercer edición d’a Nueit en Blanco de Zaragoza se celebrará o venient 22 de chunio

Plega a la tercer edición ista ufierta cultural que ferá actividatz por toda la ciudat dica las dos d'a maitinada

logoO programa cultural y d’0cio d’a Nueit en Blanco de Zaragoza tornar’a t’a ciudat a nueit d’o 22 de chunio y convertirá o casco urbano en un chigant scenario cultural mientres as quasi seis horas que bi habrá de programación. Dende as 20 dica las 2 d’a maitinada, a ciudat bullirá de conciertos, representacions de teatro y danza, espectaclos, trobadas culturals, exhibicions y asinas asinas. A más gran parti d’as actividatz serán de baldes y achuntarán a millars de zaragozanos es espacios publicos, museus, salas de concierto, teatros y atros espacios que puedan acullir bella expresión cultural.

Será la tercer edición que se faiga en Zaragoza d’iste programa cultural, que naixió en 2002 en París y que a escape s’ha estendillau por as principal capitals y ciudatz europeas dica consolidar-se como una d’as experiencias globals más amplament compartidas y valuradas por os ciuddans. O suyo exito ye sobre tot en a capacidat ta crebar as mugas que por un regular deseparan os eventos culturals d’os suyos publicos y aprofeitas as condicions de l’orache ta espardir y reivindicar a valor d’a cultura, l’ocio, y a trobada interpersonal y ciudadana aintro d’a nuestra sociedat.

Como novedat, ista anyada s’entregarán dos premios especials t’as iniciativas culturals y d’entretenimiento y ocio más innovaderas que haigan estau integradas en o programa oficial d’a Nueit en Blanco. Todas las organizacions y entidatz intresadas en fer-ne parti en ista edición podrán presentar as suyas propuestas dica o venient 15 de mayo, a traviés d’o correu electronico programacion1@zaragozacultural.com.

A Nueit en Blanco de Zaragoza se celebró por primer vegada en l’anyada 2011, con a colaboración y refirme de l’asociación Zaragoza en Blanco, con 51 actividatz en 42 espacios d’a ciudat. L’anyada pasada las actividatz s’enamploron y pasoron a cifra de 90 en 53 espacios.

“O programa d’a Nueit en Blanco, a tamás d’estar una experiencia quasi nueva, con nomás dos precedents, fa parti ya d’o calendario cultural d’a ciudat y ye un referent en a programación estibera con a suya novedosa y orichinal apuerta por l’horario de tardis y nueitz”, subrayó o conseller de cultura d’o Concello de Zaragoza, Jerónimo Blasco. “Pocos programas como iste tienen a capacidat d’unir y amanar de traza tan natural a cultura y l’ocio t’os ciudadans y fer-les participar d’a gran, variada y valiosa ufierta cultural y d’ocio que tien a ciudat y que no siempre se conoix y gronxia. Por ixo, por ixa ambivalencia de gronxiar-se y espardir, iste programa ye sin dubda un d’os nuestros gran fitos culturals de l’anyada”.

 

Fuent: http://www.cronicadearagon.es/wordpress/?p=40074

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.