A Tierra puet plegar a colapsar-se d’aquí a diez anyadas, seguntes un estudio de Nature

A gran puyada d'a población y o consumo de combustibles fosils, entre as grans causas apuntadas.

PortaladaA Tierra podría plegar d’aquí a una decada ta una situación de colapso, ta ‘un punto de no tornada’, con conseqüencias en l’alimentación, o consumo d’augua potable y la supervivencia d’especies menazadas. Asinas lo prevei l’estudio d’una vintena de scientificos europeus i norte americans publicau en a revista Nature. Seguntes iste estudio, o cambio en l’estau d’a planeta lo causa a puyada d’o consumo de recursos naturals y d’enerchía, la transformación y la fragmentación d’o paisache, qeu altera as condicions atmosfericas, oceanicas y d’a tierra y menaza a supervivencia d’a biodiversidat actual.

A tasa de creiximiento anyal d’a población ye de bells 77 millons de personas, quasi 1.000 vegadas superior que a experimentada fa entre 10.000 anyadas y 400 anyadas, quan yera d’unas 67.000 personas. O estudio destaca que l’incremento d’a población ha traito a transformación d’a superficie terrestre en arias urbanas y agricolas.

D’a mesma traza, os humanos fan servir dica o 40 % d’a producción de materias primas en tot o mundo, lo que amuga l’acceso d’atras especies a istos recursos. Antimás, o consumo de combustibles fosils ha suposau una puyada d’a concentración de CO2 atmosferico d’un 35% y ha provocau una baixada d’o 0,05 en o pH oceanico.

L’articlo tamién apunta aspectos como a perda en a productividat d’as tierras de cultivo y una menor capacidat d’almacenache d’o CO2 y o colapso d’o stock de peixes.

Jordi Bascompte, investigador d’a estación biolochica de Donyana, ha participau en iste estudio. Explica que os humanos causan unos cambios que ‘´podrían levar ta un nuevo estau d’a planeta’, y que istos cambios pueden implicar ‘alteracions en a quimica de l’atmosfera y os ocianos, y grans transtornos en os fluxos d’enerchía d’o prencipio t’a fin d’a cadena alimentaria’.

Os autors de l’estudio de Nature proposan de achiquir a tasa de creiximiento anyal d’a población y o suyo consumode recursos asociau; sustituyir o mayor ran enerchetico posible por fuents esviellables; puyar a eficiencia en a producción de virolla y amillorar a chestiónm d’as zonas d’a Tierra que encara no son estadas controladas por humanos.

Fuent: http://www.vilaweb.cat/noticia/4018051/20120607/terra-pot-arribar-collapsar-daqui-deu-anys-estudi-nature.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.