A torre medieval de Layana aloixará un centro d’interpretación romano

Una vegada restaurada a torre medieval, en rematar chulio s'aspera ubrir un centro d'interpretación romano en a mesma

Layana_2

Layana y a suya torre. Foto: Wikipedia

Un nuevo centro d’interpretación naixerá d’as Cinco Villas, en este caso d’a localidat de Layana. A suya torre medieval, que data de 1186, ha estau restaurada y acullirá un centro d’interpretación romano, que se dirá “De Agri Cultura” y en o que se recontará cómo yera o mundo rural en ixas envueltas.

En toda a torre podrán veyer-se panels informativos sobre agricultura, artesanía y tot o referent a o modo de vida en a epoca romana en ixa villa. Se i contará mesmo con bell material procedent d’o chacimiento cercano d’Os Banyals, amás de moderna tecnolochía pa guidar a os visitants en a suya visita. S’aspera que este centro d’interpretación s’ubra en o cabo d’o mes de chulio y faiga honra como introducción a la visita guidada a o chacimiento d’Os Banyals.

A restauración d’a torre ha durau mientres bell anyo con diversas aportacions economicas procedents d’a Diputación Provincial de Zaragoza, a Comarca d’as Cinco Villas y o Gubierno d’Aragón.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.