A tubera uescana y TUHUESCA acuden t’a conquista de Madrid Fusión

A sociedat de turismo d'a provincia de Uesca acude t'a cita gastronomica mas important de l'anyo con a tubera como sinyal d'identidat d'a cocina uescana

TUHUESCA_48545A Machia d’a gastronomía uescana se cuela en Madrit. TUHUESCA levará l’Alto Aragón a os paladars mas exquisitos que visiten a XI edición de Madrid Fusión. A sociedat turistica aragonesa contará con o suyo propio stand en a feria madrilenya, ya considerada como un referent de l’alta gastronomía mundial, que se celebra os días 21, 22 y 23 de chinero en Madrit.

Con a tubera como sinyal d’identidat d’a cocina uescana, TuHuesca ha organizau un programa d’actividatz que prencipia o mesmo lunes a las 10:00 con o taste de sucos Biofrutal, quesos de  Fonz y lamins de l’Asociación de Pastelers d’a Provincia de Uesca. Frutos xutos Boren y luenganiza de Grau ubrirán boca a las 12:00 entre que os guisanders y o “maître” Rafa Abadía d’o restaurant con una estrela Michelín Las Torres paran 400 tapas elaboradas con productos uescanos y que se podrán degustar entre as 13:30 y as 15:30 acompanyadas de vins d’a tierra d’a Bodega Edra y d’a DO Somontano. A tarde d’o lunes promete con as sesions de catas y tastes.

A estrela d’a gastronomía uescana, a tubera negra, tendrá o suyo momento especial o martes día 22. A las 13:30 horas se ferá l’asperada subhasta d’un kilo de tubera negra, facilitau por a Diputación Provincial de Uesca y Trufate. As tapas uescanas ta exichents paladars ista vegada vendrán d’a man d’o Restaurant Callizo y os suyos guisanders Magu y Josechu, acompanyaus por un programa enolochico de l’Alto Aragón.

Y ta qui no haigan puesto acudir a las citas precedents, TuHuesca repite o taste de sucos, quesos y dulces, frutos xutos y embutius, que ya fesen delicias o primer día d’obridura. A chenta ista vegada será ufierta por o Restaurant, tamién estrela Michelín, Lillas Pastia con Carmelo Bosque a la cabeza.

TUHUESCA ha quiesto viachar ta Madrid Fusión ta promocionar en l’ambito turistico internacional a marca ‘Huesca la Magia de la Gastronomía’ y ta presentar un d’os suyos productos mas preciaus: a tubera negra de Uesca, ingredient propio de l’Alto Aragón con certificación chenetica de calidat.

Fuent: http://www.aragon2.net/n-20495-705-trufa_oscense_TUHUESCA_acuden_conquista_Madrid_Fusion

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.